ಕುಟುಂಬಸ್ಥರಿಗೆ ಗುಂಡಿಕ್ಕಿ ಉದ್ಯಮಿ ಆತ್ಮಹತ್ಯೆ ಕೇಸ್​: ಮೂವರು ಗನ್​ಮ್ಯಾನ್​ಗಳ ವಿಚಾರಣೆ

ರಾಜ್ಯವನ್ನೇ ಬೆಚ್ಚಿ ಬೀಳಿಸಿದ್ದ ಗುಂಡ್ಲುಪೇಟೆಯಲ್ಲಿ ಐವರ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆ ಚುರುಕುಗೊಂಡಿದ್ದು, ಮೂವರು ಖಾಸಗಿ ಗನ್​ಮ್ಯಾನ್​ಗಳನ್ನು​ ಪೊಲೀಸರು​ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಮೈಸೂರು: ಗುಂಡ್ಲುಪೇಟೆಯಲ್ಲಿ ಉದ್ಯಮಿವೋರ್ವ ತನ್ನ ಕುಟುಂಬಸ್ಥರಿಗೆ ಗುಂಡಿಕ್ಕಿ ಬಳಿಕ ತಾನೂ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರು ಖಾಸಗಿ ಮ್ಯಾನ್​ಗಳನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಘಟನೆ ನಡೆದ ಬಳಿಕ ಸೂಕ್ತ ತನಿಖೆ ಮಾಡುವಂತೆ ಮೃತ ಓಂ ಪ್ರಕಾಶ್ ಅವರ ಮಾವ ಶಾಂತರಾಮ್ ಚಾಮರಾಜನಗರ ಎಸ್ಪಿ ಕಚೇರಿಯಲ್ಲಿ ದೂರು ದಾಖಲಿಸಿದ್ದರು. ಈ ದೂರಿನ ಅನ್ವಯ ಈ ಪ್ರಕರಣವನ್ನು ತನಿಖೆ ಮಾಡಲು ಡಿವೈಎಸ್ಪಿ, ಜಿ. ಮೋಹನ್ ನೇತೃತ್ವದಲ್ಲಿ ವಿಶೇಷ ತಂಡವನ್ನು ರಚಿಸಲಾಗಿದೆ.

ಮೃತ ಓಂಪ್ರಕಾಶ್ ಬಳಸುತ್ತಿದ್ದ ದೂರವಾಣಿ ಸಂಖ್ಯೆಯ ಕಾಲ್​ ಲಿಸ್ಟ್​ ಪಡೆದು ಮತ್ತು ಖಾಸಗಿ ಗನ್ ​ಮ್ಯಾನ್​ಗಳನ್ನು ಇಟ್ಟುಕೊಳ್ಳಲು ಇವರಿಗೆ ಯಾರಿಂದಲಾದ್ರೂ ಜೀವ ಭಯವಿತ್ತೆ ಎಂಬ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.