ಪ್ರಚಾರದ ವೇಳೆ ಮುಜುಗರಕ್ಕೊಳಗಾಗಿ ವಾಪಸ್ ಹೋದ ಸಿ.ಪಿ. ಯೋಗೇಶ್ವರ್

ಬಿಜೆಪಿ ಅಭ್ಯರ್ಥಿ ಹೆಚ್.ವಿಶ್ವನಾಥ್ ಪರ ಪ್ರಚಾರ ಮಾಡಲು ಬಂದ ಮಾಜಿ ಸಚಿವ ಸಿ.ಪಿ. ಯೋಗೇಶ್ವರ್​ಗೆ ಗ್ರಾಮಸ್ಥರು ಪ್ರಚಾರ ಮಾಡದಂತೆ ಅಡ್ಡಿಪಡಿಸಿದ ಘಟನೆ ಹುಣಸೂರಿನ ಹೊಸಪುರ ಗ್ರಾಮದಲ್ಲಿ ನಡೆದಿದೆ.

ಮೈಸೂರು: ಬಿಜೆಪಿ ಅಭ್ಯರ್ಥಿ ಹೆಚ್.ವಿಶ್ವನಾಥ್ ಪರ ಪ್ರಚಾರ ಮಾಡಲು ಬಂದ ಮಾಜಿ ಸಚಿವ ಸಿ.ಪಿ. ಯೋಗೇಶ್ವರ್​ಗೆ ಗ್ರಾಮಸ್ಥರು ಪ್ರಚಾರ ಮಾಡದಂತೆ ಅಡ್ಡಿಪಡಿಸಿದ ಘಟನೆ ಹುಣಸೂರಿನ ಹೊಸಪುರ ಗ್ರಾಮದಲ್ಲಿ ನಡೆದಿದೆ.

ನಿನ್ನೆಯಷ್ಟೇ ಹೆಗ್ಗಂದೂರಿನಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು. ಇಂದು ಪುನಃ ಬಿಜೆಪಿ ಅಭ್ಯರ್ಥಿ ಹೆಚ್.ವಿಶ್ವನಾಥ್ ಪರ ಚುನಾವಣಾ ಪ್ರಚಾರಕ್ಕೆ ಬಂದ ಸಂದರ್ಭದಲ್ಲಿ ಹೊಸಪುರ ಗ್ರಾಮಸ್ಥರು ಯೋಗೇಶ್ವರ್​ ಅವರಿಗೆ ಪ್ರವೇಶ ನೀಡದೇ, ಗಲಾಟೆ ಮಾಡಿದರು. ನೀವು ಮತಯಾಚನೆಗೆ ಬರುವುದಾದರೆ ಅಭ್ಯರ್ಥಿ ಜೊತೆ ಬರಬೇಕೆಂದು ಎಚ್ಚರಿಕೆ ನೀಡಿದರು.

ಈ ಹಿಂದೆ ಗೆದ್ದ ನಂತರ ಒಮ್ಮೆಯೂ ವಿಶ್ವನಾಥ್​ ಗ್ರಾಮಕ್ಕೆ ಬಂದಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಇದರಿಂದ ಮುಜುಗರಕ್ಕೆ ಒಳಗಾಗಿ ಪ್ರಚಾರ ಮಾಡದೇ ಯೋಗೇಶ್ವರ್ ವಾಪಸ್ ಹಿಂತಿರುಗಿದರು.