ಧಗಧಗನೇ ಹೊತ್ತಿ ಉರಿದ ಶಾಲಾ ಬಸ್; ಮಕ್ಕಳು ಬಚಾವ್​

ಮಕ್ಕಳನ್ನು ಮನೆಗೆ ಬಿಟ್ಟು ಶಾಲೆಗೆ ಬಂದಿದ್ದ ಬಸ್​ನಲ್ಲಿ ಭಾರಿ ಬೆಂಕಿ ಕಾಣಿಸಿಕೊಂಡಿದೆ. ಪರಿಣಾಮ ಬಸ್​ ಸಂಪೂರ್ಣ ಸುಟ್ಟಿದ್ದು, ಸನಿಹದಲ್ಲಿ ಪಾರ್ಕಿಂಗ್​ ಮಾಡಿದ್ದ ಬಸ್​ಗಳಿಗೂ ಹಾನಿಯಾಗಿದೆ.

ಮೈಸೂರು: ಖಾಸಗಿ ಶಾಲೆಯ ಬಸ್​ ಧಗಧಗನೇ ಹೊತ್ತಿ ಉರಿದಿದ್ದು, ಮಕ್ಕಳು ಸೇಫ್ ಆಗಿರುವ ಘಟನೆ ಮೈಸೂರಿನ ಪಿರಿಯಾಪಟ್ಟಣ ತಾಲೂಕಿನ DPML ಶಾಲೆಯಲ್ಲಿ ನಡೆದಿದೆ.

ಶಾಲಾ ಮಕ್ಕಳನ್ನು ‌ಕೆಳಗಿಳಿಸಿ ಚಾಲಕ ಮರಳಿ ಶಾಲೆಗೆ ಹೋದ ಸ್ವಲ್ಪ ಹೊತ್ತಲ್ಲೇ ಬಸ್ ಬೆಂಕಿಗಾಹುತಿಯಾಗಿದೆ. ಒಂದು ಬಸ್ ಸಂಪೂರ್ಣ ಸುಟ್ಟುಹೋಗಿದೆ. ಕೆಲವು ಬಸ್​ಗಳಿಗೆ ಭಾಗಶಃ ಬೆಂಕಿ ತಗುಲಿದೆ.

ಬೆಂಕಿ ತಗಲುತ್ತಿದ್ದಂತೆ ಅಕ್ಕ-ಪಕ್ಕ ನಿಲ್ಲಿಸಿದ್ದ ಬಸ್​​ಗಳನ್ನು ತಕ್ಷಣ ಬೇರೆ ಕಡೆ ನಿಲ್ಲಿಸಲಾಗಿದೆ. ಕೂಡಲೇ ಬಂದ ಅಗ್ನಿ ಶಾಮಕ ದಳದವರು ಬೆಂಕಿ‌ ನಂದಿಸಿ, ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ.