ಕಾಂಗ್ರೆಸ್ ನಾಯಕನ ಪರ ಪೋಸ್ಟ್- 2 ಗುಂಪಿನ ನಡುವೆ ಗಲಾಟೆ : ಮಂಗಳೂರಿನಲ್ಲಿ ಐವರ ಬಂಧನ

ಮಂಗಳೂರಿನ ಮೂಡುಶೆಡ್ಡೆಯಲ್ಲಿ ಅಷ್ಪಕ್ ಎಂಬಾತ ಕಾಂಗ್ರೆಸ್ ನಾಯಕರೊಬ್ಬರ ಪರ ಪೋಸ್ಟ್​​ಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕುತ್ತಿದ್ದ. ಇದಕ್ಕೆ ಆಕ್ಷೇಪಿಸಿ ವಿವೇಕಾನಂದ ಮತ್ತು ವೀರ್ಷ್ ಎಂಬುವರು ಬೆದರಿಸಿ ಹಲ್ಲೆ ನಡೆಸಿದ್ದರು. ಇದರಿಂದ ಆಕ್ರೋಶಗೊಂಡ ಅಷ್ಪಕ್‌ನು ತನ್ನ ತಂಡದೊಂದಿಗೆ ಬಂದು ತಲ್ವಾರ್​​ ತೋರಿಸಿ ಬೆದರಿಸಿದ್ದರು..

ಮಂಗಳೂರು: ಕಾಂಗ್ರೆಸ್ ನಾಯಕನ ಪರ ಪೋಸ್ಟ್ ಹಾಕಿದ ವಿಚಾರದಲ್ಲಿ ಎರಡು ತಂಡಗಳ ನಡುವೆ ಗಲಾಟೆ ನಡೆದಿದೆ. ಈ‌ ಘಟನೆ ಸಂಬಂಧ 5 ಮಂದಿಯನ್ನು ಕಾವೂರು ಪೊಲೀಸರು ಬಂಧಿಸಿದ್ದಾರೆ.

ಮಂಗಳೂರಿನ ಮೂಡುಶೆಡ್ಡೆಯಲ್ಲಿ ಅಷ್ಪಕ್ ಎಂಬಾತ ಕಾಂಗ್ರೆಸ್ ನಾಯಕರೊಬ್ಬರ ಪರ ಪೋಸ್ಟ್​​ಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕುತ್ತಿದ್ದ. ಇದಕ್ಕೆ ಆಕ್ಷೇಪಿಸಿ ವಿವೇಕಾನಂದ ಮತ್ತು ವೀರ್ಷ್ ಎಂಬುವರು ಬೆದರಿಸಿ ಹಲ್ಲೆ ನಡೆಸಿದ್ದರು. ಇದರಿಂದ ಆಕ್ರೋಶಗೊಂಡ ಅಷ್ಪಕ್‌ನು ತನ್ನ ತಂಡದೊಂದಿಗೆ ಬಂದು ತಲ್ವಾರ್​​ ತೋರಿಸಿ ಬೆದರಿಸಿದ್ದರು.

ಈ ವೇಳೆ ವಿವೇಕಾನಂದ ಅಂಗಡಿಯೊಂದರ ಒಳಗೆ ಹೋಗಿ ಪಾರಾಗಿದ್ದ. ಈ ಗಲಾಟೆಯ ದೃಶ್ಯವನ್ನು ಯುವತಿಯೊಬ್ಬಳು ಮೊಬೈಲ್​ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದರು. ಅದೇ ವಿಡಿಯೋ ವೈರಲ್ ಆಗಿತ್ತು.

ಇದನ್ನೂ ಓದಿ:ಸಹೋದರ ಸಂಬಂಧಿಯಿಂದಲೇ ವಿವಾಹಿತೆಯ ಮೇಲೆ ಅತ್ಯಾಚಾರ; ಯಾದಗಿರಿಯಲ್ಲಿ ಆರೋಪಿ ಅರೆಸ್ಟ್‌

ವಿವೇಕಾನಂದಗೆ ತಲ್ವಾರ್​​ ತೋರಿಸಿ ಬೆದರಿಕೆ ಹಾಕಿದ ಐದು ಮಂದಿಯನ್ನು ಕಾವೂರು ಪೊಲೀಸರು ಬಂಧಿಸಿದ್ದಾರೆ. ಈ ಕುರಿತು ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ.