ಮಂಗಳೂರು : ಆಡಳಿತ ನಡೆಸುವ ಸರ್ಕಾರಗಳು ಲಾಕ್ಡೌನ್ ನಡುವೆ ಜನರ ಮೇಲೆ ವಿದ್ಯುತ್,ತೈಲ ಬೆಲೆ ಏರಿಕೆ ಮಾಡಿ ಗಾಯದ ಮೇಲೆ ಬರೆ ಎಳೆಯುವ ಕೆಲಸ ಮಾಡುತ್ತಿವೆ ಎಂದು ಮಾಜಿ ಸಚಿವ ರಮಾನಾಥ ರೈ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಕೇಂದ್ರ,ರಾಜ್ಯ ಸರ್ಕಾರದ ವಿರುದ್ಧ ರಮಾನಾಥ ರೈ ಆಕ್ರೋಶ
ನಗರದ ಕಾಂಗ್ರೆಸ್ ಕಚೇರಿಯಲ್ಲಿ ಮಾತನಾಡಿದ ಅವರು, ಕೊರೊನಾ ಸೋಂಕು ನಿಯಂತ್ರಣಕ್ಕೆ ಬಾರದೆ ನಮ್ಮ ದೇಶದ ಜನರು ಬಹಳಷ್ಟು ಕಷ್ಟಪಡುತ್ತಿದ್ದಾರೆ. ಸರ್ಕಾರದ ವೈಫಲ್ಯವೂ ಇದಕ್ಕೆ ಕಾರಣ. ಇದರ ನಡುವೆ ಈ ಬೆಲೆ ಏರಿಕೆ ಜನರಿಗೆ ದುಸ್ತರವಾಗಿ ಪರಿಣಮಿಸಿದೆ ಎಂದರು. 17-18 ಸಲ ತೈಲ ಬೆಲೆಯೇರಿಕೆ ಮಾಡಲಾಗಿದೆ.