ಕೊರೊನಾ ಸೋಂಕು ಹರಡದಂತೆ ಮುನ್ನೆಚ್ಚರಿಕೆ: ಪೊಲೀಸರಿಗೆ ಫೇಸ್ ಶೀಲ್ಡ್ ಮಾಸ್ಕ್

ಖಾಸಗಿ ಸಂಸ್ಥೆಯೊಂದು ನೀಡಿರುವ ಫೇಸ್​​ ಶೀಲ್ಡ್​ ಮಾಸ್ಕ್​ ಅನ್ನು ಧರಿಸಿ ಮಂಗಳೂರಿನ ಪೊಲೀಸರು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.

ಮಂಗಳೂರು: ಲಾಕ್​​​ಡೌನ್ ಹಿನ್ನೆಲೆಯಲ್ಲಿ ‌ಮಂಗಳೂರು ನಗರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಪೊಲೀಸರಿಗೆ ಕೊರೊನಾ ಸೋಂಕು ಹರಡದಂತೆ ಮಾಸ್ಕ್ ಜತೆಗೆ ಫೇಸ್ ಶೀಲ್ಡ್ ಮಾಸ್ಕ್ ಒದಗಿಸಲಾಗಿದೆ.

ಹೆಲ್ಮೆಟ್​​​ಗಳ ಮುಂಭಾಗದಲ್ಲಿ ಗ್ಲಾಸ್ ಮಾದರಿಯಲ್ಲಿ ಒಎಚ್​​ಪಿ ಶೀಟ್​​​ಗಳಿಂದ ಫೇಸ್ ಶೀಲ್ಡ್ ತಯಾರಿಸಲಾಗಿದೆ. ಇದರಿಂದ ಎದರಿನಲ್ಲಿ ಇರುವ ವ್ಯಕ್ತಿ ಮಾತನಾಡುವಾಗ, ಸೀನುವಾಗ, ಕೆಮ್ಮುವಾಗ ಹೊರ ಬರುವ ಸೂಕ್ಷ್ಮಾಣುಗಳು ಮುಖಕ್ಕೆ ರಾಚದಂತೆ ತಡೆಯುತ್ತದೆ.

ಖಾಸಗಿ ಸಂಸ್ಥೆಯೊಂದು ಪೊಲೀಸ್ ಕಮಿಷನರ್ ಕಚೇರಿಗೆ ಈ ಮಾಸ್ಕ್​​​ಗಳನ್ನು ಕೊಡುಗೆಯಾಗಿ ನೀಡಿದೆ. ಆಯ್ದ ಸ್ಥಳಗಳಲ್ಲಿ ಕರ್ತವ್ಯ ನಿರ್ವಹಿಸುವ ಪೊಲೀಸರಿಗೆ ಒದಸಲಾಗಿದೆ. ಕಡ್ಡಾಯವಾಗಿ ಈ ಶೀಲ್ಡ್​​ ಮಾಸ್ಕ್​ ಅನ್ನು ಧರಿಸಿ ಕರ್ತವ್ಯ ನಿರ್ವಹಿಸಲು ಸೂಚಿಸಲಾಗಿದೆ.