ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವು ಏರ್ ಪೋರ್ಟ್ ಕೌನ್ಸಿಲ್ ಇಂಟರ್ ನ್ಯಾಷನಲ್ ನಿಂದ ಆರೋಗ್ಯ ಮಾನ್ಯತೆ ಪಡೆದಿದೆ. ಸುರಕ್ಷಿತ ಪ್ರಯಾಣಕ್ಕಾಗಿ ಎಎಚ್‌ಎ ಕಾರ್ಯಕ್ರಮದಡಿ ಎಸಿಐ ಮೌಲ್ಯಮಾಪನ ಪ್ರಕ್ರಿಯೆ ನಡೆಸಿರುವ 118 ಪರಿಶೀಲನಾ ಅಂಕಗಳ ಆಧಾರಗಳ ಮೇಲೆ ಈ ಮಾನ್ಯತೆಯನ್ನು ನೀಡಲಾಗಿದೆ.
ಈ ಮಾನ್ಯತೆ ಮುಂದಿನ ಒಂದು ವರ್ಷ ಕಾಲ ಮಾನ್ಯವಾಗಿರುತ್ತದೆ. ಕೊರೊನಾ ಸೋಂಕು ಹರಡುವಿಕೆ ಹಾಗೂ ನಿಯಂತ್ರಣ ಸಾಧಿಸುವಲ್ಲಿ ಆರೋಗ್ಯ ಸುರಕ್ಷತಾ ಮಾನದಂಡಗಳನ್ನು ಸರಿಯಾಗಿ ಅನುಸರಿಸಿ ಸನ್ನಡತೆಯನ್ನು ಬಲಪಡಿಸಲು ಈ ವಿಮಾನ ನಿಲ್ದಾಣ ಬದ್ಧವಾಗಿದೆ ಎಂಬುದನ್ನು ಈ ಮಾನ್ಯತೆಯು ಖಾತರಿಪಡಿಸುತ್ತದೆ.