ಮಂಡ್ಯ: ಆ ಮಹಾನುಭಾವ ನನ್ನ ಸರ್ಕಾರವನ್ನ ರಾಕ್ಷಸ ಸರ್ಕಾರ ಅಂದಿದ್ದರು. ಈಗ ಅವರ ಸರ್ಕಾರವನ್ನ ರಾಕ್ಷಸ ಸರ್ಕಾರ ಎನ್ನುವ ಮೂಲಕ ಯಡಿಯೂರಪ್ಪ ಅವರನ್ನ ಸಿಎಂ ಸ್ಥಾನದಿಂದ ಕೆಳಗಿಳಿಸಲು ಹೊರಟ್ಟಿದ್ದಾರೆ ಎಂದು ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ ಹಳ್ಳಿ ಹಕ್ಕಿ ವಿರುದ್ದ ಅಸಮಾಧಾನ ವ್ಯಕ್ತಪಡಿಸಿದರು.
ಮದ್ದೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಆತ ನಮ್ಮ ಸರ್ಕಾರದಲ್ಲಿದ್ದಾಗ 25 ಸಾವಿರ ಕೋಟಿ ರೈತರ ಸಾಲ ಮನ್ನಾ ಮಾಡಿದಕ್ಕೆ ನನ್ನ ರಾಕ್ಷಸ ನಿಲುವು ಎಂದ್ರು. ಬಡವರ ಬಂದು ಹೆಸರಿನಲ್ಲಿ ಬೀದಿ ವ್ಯಾಪಾರಿಗಳಿಗೆ ಕಾರ್ಯಕ್ರಮ ಕೊಟ್ಟಿದ್ದೆ. ಅದನ್ನೇ ರಾಕ್ಷಸ ಕಾರ್ಯಕ್ರಮ ಎಂದಿದ್ದ ಆ ಮಹಾನುಭಾವ ಎಂದು ಕಿಡಿಕಾರಿದ್ದಾರೆ.
ಇದು ಯಾವ ಸರ್ಕಾರನೋ ಗೊತ್ತಿಲ್ಲಾ. ವಿಶ್ವನಾಥ್ ಅವರಿಗೆ ಅಧಿಕಾರ ಸಿಕ್ಕಿಲ್ಲ ಎಂಬ ನೋವಿದೆ. ಆ ನೋವಿನಲ್ಲಿ ಹೇಳ್ತಿದ್ದಾರೆ ಅಷ್ಟೆ. ಈಗಿನ ಸರ್ಕಾರ ಜನರಿಗೆ ದ್ರೋಹ ಮಾಡುತ್ತಿರುವ ಸರ್ಕಾರ ಇದು ಎಂದರಲ್ಲದೇ ಜನರ ಹೆಸರಲ್ಲಿ ಲೂಟಿ ಮಾಡ್ತಿದ್ದಾರೆ. ಇದ್ದನ್ನ ತಡೆಗಟ್ಟಲು ಜನತೆಯೇ ತಿರ್ಮಾನ ತೆಗೆದುಕೊಳ್ಳಬೇಕು ಎಂದರು.