ಪಾಮ್ ಆಯಿಲ್ ಮೇಲೆ ಕೃಷಿ ಸೆಸ್ : ಜನಸಾಮಾನ್ಯರಿಗೆ ಮತ್ತೆ ಬೆಲೆ ಏರಿಕೆ ಬಿಸಿ!

ಮಧ್ಯಮ ವರ್ಗ ಮತ್ತು ಶ್ರೀಮಂತ ವರ್ಗ ಸನ್ ಫ್ಲವರ್ ಆಯಿಲ್ ಬಳಸಿದ್ರೆ, ಬಡವರು ಪಾಮ್ ಆಯಿಲ್ ಬಳಕೆ ಮಾಡುತ್ತಾರೆ. ಪಾಮ್ ಆಯಿಲ್ ಬೆಲೆ ಕಳೆದ ಆರು ತಿಂಗಳಲ್ಲಿ ಭಾರಿ ಏರಿಕೆ ಕಂಡಿದೆ. 2020ರ ಮೇ ತಿಂಗಳಲ್ಲಿ 10 ಲೀಟರ್​ಗೆ ರೂ. 700 ದರವಿದ್ದರೆ, ಇದೀಗ 1,100ಕ್ಕೆ‌ ಏರಿಕೆಯಾಗಿದೆ. ಆರು ತಿಂಗಳಲ್ಲಿ ಶೇ.50ರಷ್ಟು ದರ ಹೆಚ್ಚಳವಾಗಿದೆ..

ಮಂಗಳೂರು :ಕೇಂದ್ರ ಬಜೆಟ್​​ನಲ್ಲಿ ಪಾಮ್ ಆಯಿಲ್ ಮೇಲೆ ಕೃಷಿ ಸೆಸ್ ಹೇರಿಕೆ ಮಾಡಲಾಗಿದೆ. ಇದರಿಂದ ಸಹಜವಾಗಿ ಪಾಮ್ ಆಯಿಲ್ ಬೆಲೆ ಹೆಚ್ಚಳವಾಗಲಿದ್ದು, ಜನ ಸಾಮಾನ್ಯರ ಮೇಲೆ ಹೊರೆ ಬೀಳಲಿದೆ.

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸಿತಾ ರಾಮನ್​ ಮಂಡಿಸಿರುವ ಬಜೆಟ್​ನಲ್ಲಿ ಪಾಮ್ ಆಯಿಲ್ ಮೇಲೆ ಶೇ.17.5ರಷ್ಟು ಕೃಷಿ ಸೆಸ್ ಹೇರಿಕೆ ಮಾಡಿದ್ದಾರೆ. ಸೆಸ್ ಏರಿಕೆ ಸಹಜವಾಗಿ ಜನರ ಮೇಲೆ ಹೊರೆ ಬೀಳಲಿದೆ. ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಹೆಚ್ಚಾಗಿ ಅಡುಗೆಗಳಿಗೆ ಸನ್ ಫ್ಲವರ್ ಮತ್ತು ಪಾಮ್ ಆಯಿಲ್ ಬಳಕೆ ಮಾಡಲಾಗುತ್ತದೆ.

ಹೋಟೆಲ್, ರೆಸ್ಟೋರೆಂಟ್, ಫಾಸ್ಟ್ ಫುಡ್, ಬೇಕರಿಗಳಲ್ಲಿ ಪಾಮ್ ಆಯಿಲ್ ಬಳಕೆ ಹೆಚ್ಚು. ಸನ್ ಫ್ಲವರ್ ಆಯಿಲ್​ಗಿಂತ ಕಡಿಮೆ ಬೆಲೆ ಮತ್ತು ಕರಿದ ತಿಂಡಿಗಳ ಸ್ವಾದ ಹೆಚ್ಚು ಸಮಯ ಬಾಳಿಕೆ ಬರುವ ಕಾರಣದಿಂದ ಇದು ವ್ಯಾಪಕವಾಗಿ ಬಳಕೆಯಾಗುತ್ತದೆ.

ಮಧ್ಯಮ ವರ್ಗ ಮತ್ತು ಶ್ರೀಮಂತ ವರ್ಗ ಸನ್ ಫ್ಲವರ್ ಆಯಿಲ್ ಬಳಸಿದ್ರೆ, ಬಡವರು ಪಾಮ್ ಆಯಿಲ್ ಬಳಕೆ ಮಾಡುತ್ತಾರೆ. ಪಾಮ್ ಆಯಿಲ್ ಬೆಲೆ ಕಳೆದ ಆರು ತಿಂಗಳಲ್ಲಿ ಭಾರಿ ಏರಿಕೆ ಕಂಡಿದೆ. 2020ರ ಮೇ ತಿಂಗಳಲ್ಲಿ 10 ಲೀಟರ್​ಗೆ ರೂ. 700 ದರವಿದ್ದರೆ, ಇದೀಗ 1,100ಕ್ಕೆ‌ ಏರಿಕೆಯಾಗಿದೆ. ಆರು ತಿಂಗಳಲ್ಲಿ ಶೇ.50ರಷ್ಟು ದರ ಹೆಚ್ಚಳವಾಗಿದೆ.

ಸನ್ ಫ್ಲವರ್ ಆಯಿಲ್​​ಗೆ 2020 ಮೇನಲ್ಲಿ 950 ರೂ. ಇದ್ದರೆ, ಈಗ 1,300ಕ್ಕೆ ಏರಿಕೆಯಾಗಿದೆ. ಈ ಹೆಚ್ಚಳದ ಬೆನ್ನಿಗೆ ಬಜೆಟ್​​ನಲ್ಲಿ ಪಾಮ್ ಆಯಿಲ್​ಗೆ ಕೃಷಿ ಸೆಸ್ ಏರಿಸಿರುವುದು ಬಡ ಜನರಿಗೆ ಹೊರೆಯಾಗಲಿದೆ.

ಓದಿ:ಮೇಕಪ್ ಮಾಡಿ ಗಿನ್ನಿಸ್ ದಾಖಲೆ‌ ಮಾಡಿದ ಹುಬ್ಬಳ್ಳಿ ಬ್ಯೂಟಿಷಿಯನ್

ಪಾಮ್ ಆಯಿಲ್​ಗೆ ಕೃಷಿ ಸೆಸ್ ಏರಿಕೆಯಿಂದ ಅಡುಗೆ ಎಣ್ಣೆ ತುಟ್ಟಿಯಾಗುವ ಜೊತೆಗೆ ಆಹಾರ ಉದ್ಯಮದ ಮೇಲೂ ಇದು ಪರಿಣಾಮ ಬೀರಲಿದೆ. ಹೋಟೆಲ್​, ಬೇಕರಿಗಳಲ್ಲಿ ತಯಾರಿಸಲಾಗುವ ತಿಂಡಿಯ ದರದಲ್ಲಿ ಏರಿಕೆಯಾಗಲಿದೆ.

ಪಾಮ್ ಆಯಿಲ್ ಮೇಲಿನ ಸೆಸ್ ಏರಿಕೆಯಿಂದ ಹೆಚ್ಚಳವಾಗುವ ದರವನ್ನು ತಿಂಡಿಗಳ ದರಗಳನ್ನು ಏರಿಕೆ ಮಾಡಿ ಸರಿದೂಗಿಸಬೇಕಾದದ್ದು ಅನಿವಾರ್ಯವೆನ್ನುತ್ತಾರೆ ಹೋಟೆಲ್ ಉದ್ಯಮಿಗಳು. ಅಗ್ಗದ ದರದಲ್ಲಿ ಸಿಗುತ್ತಿದ್ದ ಪಾಮ್ ಆಯಿಲ್ ದರ ಸೆಸ್ ಏರಿಕೆಯಿಂದ ಹೆಚ್ಚಳವಾಗುತ್ತಿರುವುದು ಆಹಾರ ವಸ್ತುಗಳ ಬೆಲೆ ಏರಿಕೆಗೆ ಕಾರಣವಾಗಿದೆ.