ಗಂಟಲು ದ್ರವ ಪಡೆಯುವ ಕ್ಲಿನಿಕ್​​​​​ನಲ್ಲಿ ಸಾಮಾಜಿಕ ಅಂತರ ಮಾಯ: ಬೇಕಾಬಿಟ್ಟಿ ಓಡಾಟ

ಸೇಡಂನ ಬಸ್​​ ನಿಲ್ದಾಣದ ಪಕ್ಕದ ಕ್ಲಿನಿಕ್​​​​ನಲ್ಲಿ ನಿತ್ಯ ನೂರಾರು ಜನರ ಗಂಟಲು ಸಂಗ್ರಹ ಮಾಡಲಾಗುತ್ತದೆ. ಅಲ್ಲಿಗೆ ಬರುವ ಜನರು, ಸಾಮಾಜಿಕ ಅಂತರ ಪಾಲಿಸದೆ ಬೇಜವಾಬ್ದಾರಿತನದಿಂದ ವರ್ತಿಸುತ್ತಿದ್ದಾರೆ.

ಸೇಡಂ:ಸಾಮಾಜಿಕ ಅಂತರ ಪಾಲನೆ ಕಡ್ಡಾಯ ಎಂದು ಸರ್ಕಾರ ಹೇಳುತ್ತಿದ್ದರೂ ಜನರು ಮಾತ್ರ ಕ್ಯಾರೇ ಎನ್ನುತ್ತಿಲ್ಲ.

ಇಲ್ಲಿನ ಬಸ್ ನಿಲ್ದಾಣದ ಪಕ್ಕದ ಫಿವರ್ ಕ್ಲಿನಿಕ್​ನಲ್ಲಿ ಕ್ವಾರಂಟೈನ್​​​​ನಲ್ಲಿ ಇರುವವರ ಗಂಟಲು ದ್ರವ ಸಂಗ್ರಹಿಸಲಾಗುತ್ತದೆ. ಆದರೆ, ಜನ ಸಾಮಾಜಿಕ ಅಂತರ ಪಾಲಿಸದೆ ಗುಂಪುಗುಂಪಾಗಿ ಮಾತಿಗಿಳಿಯುತ್ತಾರೆ.

ಪಟ್ಟಣದ ಹೃದಯ ಭಾಗದಲ್ಲಿ ಕ್ಲಿನಿಕ್ ಇದೆ. ಬಹುತೇಕ ಹಣ್ಣು, ತರಕಾರಿ, ಮೆಡಿಕಲ್, ಬಟ್ಟೆ ಅಂಗಡಿಗಳಿವೆ. ಕ್ಲಿನಿಕ್​​ಗೆ ಬರುವ ಜನರು ಎಲ್ಲೆಂದರಲ್ಲಿ ಮನಸೋ ಇಚ್ಛೆ ತಿರುಗಾಡಿ ಆತಂಕ ಸೃಷ್ಟಿಸುತ್ತಿದ್ದಾರೆ. ಅಲ್ಲದೆ, ಗಂಟಲು ದ್ರವ ಸಂಗ್ರಹ ಮಾಡುವಲ್ಲೂ ನಿಧಾನಗತಿ ಎಂಬ ಆರೋಪ ಕೇಳಿಬಂದಿದೆ.