ಅಪ್ಪು ಹುಟ್ಟುಹಬ್ಬದಂದು ಬೃಹತ್ ರಕ್ತದಾನ ಶಿಬಿರ: ಶುಭ ಕೋರಿದ ದೊಡ್ಮನೆ ಕುಡಿ

ಇದೇ ಮಾರ್ಚ್​ 17 ರಂದು ಪುನೀತ್ ರಾಜ್​ಕುಮಾರ್​ ಜನ್ಮ ದಿನ ಪ್ರಯುಕ್ತ ಬೆನಕನಹಳ್ಳಿ ಗ್ರಾಮದ ಸರ್ಕಾರಿ ಮಾದರಿಯ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಬೃಹತ್ ರಕ್ತದಾನ ಮತ್ತು ನೇತ್ರದಾನ ಶಿಬಿರ ಹಮ್ಮಿಕೊಳ್ಳಲಾಗಿದ್ದು, ದೊಡ್ಮನೆ ಕುಡಿ ತೇಜ್ ಧೀರೆನ್ ರಾಮ್ ಕುಮಾರ್ ಶುಭ ಕೋರಿದ್ದಾರೆ.

ಸೇಡಂ: ಅಪ್ಪು ಹುಟ್ಟು ಹಬ್ಬದ ಹಿನ್ನೆಲೆ ತಾಲೂಕಿನ ಬೆನಕನಹಳ್ಳಿಯಲ್ಲಿ ಬೃಹತ್ ರಕ್ತದಾನ ಶಿಬಿರ ಜರುಗುತ್ತಿದ್ದು, ದೊಡ್ಮನೆ ಕುಡಿ ತೇಜ್ ಧೀರೆನ್ ರಾಮ್ ಕುಮಾರ್ ಶುಭ ಕೋರಿದ್ದಾರೆ. ಇದೇ ಮಾರ್ಚ್​ 17 ರಂದು ಪುನೀತ್ ರಾಜ್​ಕುಮಾರ್​ ಜನ್ಮ ದಿನ ಪ್ರಯುಕ್ತ ಬೆನಕನಹಳ್ಳಿ ಗ್ರಾಮದ ಸರ್ಕಾರಿ ಮಾದರಿಯ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಅಪ್ಪು ಅಭಿಮಾನಿ ಬಳಗದ ವತಿಯಿಂದ ಬೃಹತ್ ರಕ್ತದಾನ ಮತ್ತು ನೇತ್ರದಾನ ಶಿಬಿರವನ್ನ ಬೆಳಗ್ಗೆ 10.30ಕ್ಕೆ ಹಮ್ಮಿಕೊಳ್ಳಲಾಗಿದೆ. ಈ ನಿಟ್ಟಿನಲ್ಲಿ ಡಾ. ರಾಜ್​ಕುಮಾರ್​ ಅವರ ಮೊಮ್ಮಗ ತೇಜ್ ಧೀರನ್ ರಾಮ್​ ಕುಮಾರ್​ ಅವರು ವಿಡಿಯೋ ಸಂದೇಶದ ಮೂಲಕ ಶುಭ ಹಾರೈಸಿದ್ದಾರೆ.

ಮಾರ್ಚ್​ 17 ರಂದು ಅಪ್ಪು ಮಾಮಾ ಅವರ ಹುಟ್ಟುಹಬ್ಬದ ನಿಮಿತ್ತ ಬೆನಕನಹಳ್ಳಿ, ಕಲಬುರಗಿ ಜಿಲ್ಲೆಯಲ್ಲಿ ನಡೆಯುತ್ತಿರುವ ರಕ್ತದಾನ ಹಾಗೂ ನೇತ್ರದಾನ ಶಿಬಿರ ಶ್ರದ್ಧೆಯಿಂದ, ಅಚ್ಚುಕಟ್ಟಾಗಿ ಮಾಡಿ ಎಂದು ಶುಭ ಕೋರಿದ್ದಾರೆ.

ಇದನ್ನೂ ಓದಿ:'ದಿ ಕಾಶ್ಮೀರ್ ಫೈಲ್ಸ್' ಸಿನಿಮಾದಲ್ಲಿ ರಾಜಕೀಯ ಬೆರೆಸಬೇಡಿ: ತಾರಾ ಮನವಿ