ಕೊರೊನಾ ಸೋಂಕಿತನ ಸಂಪರ್ಕ: ಕಲಘಟಗಿ ಠಾಣೆಯ ಮೂವರು ಸಿಬ್ಬಂದಿ ಕ್ವಾರಂಟೈನ್​​

ರೋಗಿ ನಂಬರ್​-3397ರ ಸಂಪರ್ಕದಲ್ಲಿದ್ದ ಕಲಘಟಗಿ ಠಾಣೆಯ ಮೂವರು ಸಿಬ್ಬಂದಿಯನ್ನ ಕ್ವಾರಂಟೈನ್ ಮಾಡಿ, ಅವರ ಗಂಟಲು ದ್ರವ ಪರೀಕ್ಷೆಗೆ ಕಳುಹಿಸಲಾಗಿದೆ.

ಹುಬ್ಬಳ್ಳಿ:ಕಲಘಟಗಿ ಪೊಲೀಸರಿಗೂ ಕೊರೊನಾ ಭೀತಿ ಶುರುವಾಗಿದ್ದು, ಠಾಣೆಯ ಮೂವರು ಸಿಬ್ಬಂದಿಯನ್ನ ಕ್ವಾರಂಟೈನ್ ಮಾಡಲಾಗಿದೆ.

ಪಿ-3397ಗೆ ಜೂನ್ 1ರಂದು ಕೊರೊನಾ ಸೋಂಕು ದೃಢಪಟ್ಟಿತ್ತು. ಮೇ 19ರಂದು ದುಮ್ಮವಾಡ ಗ್ರಾಮದಲ್ಲಿ ನಡೆದಿದ್ದ ಅವಘಡ ಸಂಬಂಧ ಸ್ಥಳ ಮಹಜರಿಗೆ ಹೋಗಿದ್ದ ಪೊಲೀಸರೊಂದಿಗೆ ಪಿ-3397 ಪಂಚನಾಮೆ ನೆರವೇರಿಸಿದ್ದ. ಇದಾದ ಬಳಿಕ ಮೇ 20ರಂದು ಠಾಣೆಗೆ ತೆರಳಿದ್ದ. ಬಳಿಕ 22ರಂದು ಅಸ್ವಸ್ಥನಾದ ಈತ ಚಿಕಿತ್ಸೆಗೆಂದು ಖಾಸಗಿ ಆಸ್ಪತ್ರೆಗೆ ತೆರಳಿದ್ದ.

ನಂತರ ಎಸ್​ಡಿಎಂ ಆಸ್ಪತ್ರೆಗೆ ಬಂದ ಈತನ ಗಂಟಲು ದ್ರವ ಪರೀಕ್ಷೆ ಮಾಡಿದ್ದು, ಜೂನ್ 1ರಂದು ಬಂದ ವರದಿಯಲ್ಲಿ ಆತನಿಗೆ ಸೋಂಕು ದೃಢಪಟ್ಟಿದೆ. ಮುಂಜಾಗ್ರತಾ ಕ್ರಮವಾಗಿ ಆತನೊಂದಿಗೆ ಸಂಪರ್ಕದಲ್ಲಿದ್ದ ಮೂವರು ಪೊಲೀಸ್ ಸಿಬ್ಬಂದಿಯನ್ನ ಕ್ವಾರಂಟೈನ್ ಮಾಡಿ, ಮೂವರ ಗಂಟಲು ದ್ರವ ಪರೀಕ್ಷೆಗೆ ಕಳುಹಿಸಲಾಗಿದೆ.