ಪಾಳು ಬಿದ್ದ ಪಾಲಿಕೆ ಡಿಜಿಟಲ್ ಗಾರ್ಡನ್: 'ಸ್ಮಾರ್ಟ್​​ ಸಿಟಿ ಹುಬ್ಬಳ್ಳಿ' ಬರೀ ಹೆಸರಿಗೆ ಮಾತ್ರಾನಾ!?

ನಗರದಲ್ಲಿ ಪ್ರಥಮ ಬಾರಿಗೆ ಕುಂಭಕೋಣಂ ಪ್ಲಾಟ್ ಬೈಲಪ್ಪನಗರದಲ್ಲಿ ಡಿಜಿಟಲ್ ಗಾರ್ಡನ್ ಮಾಡಲಾಗಿತ್ತು. ಗಾರ್ಡನ್​ನಲ್ಲಿ ವೈಫೈ, ಮೊಬೈಲ್ ಚಾರ್ಜರ್, ಇಂಟರ್​ನೆಟ್ ಸೌಲಭ್ಯ‌ ನೀಡಲಾಗಿತ್ತು. ಅಲ್ಲದೇ ಇಲ್ಲಿ ಬರುವ ವಾಯು ವಿಹಾರಿಗಳಿಗೆ ಡಿಜಿಟಲ್ ಸೇವೆಯನ್ನು ನೀಡಲಾಗುತ್ತಿತ್ತು. ಆದರೆ ಈಗ ಆ ಎಲ್ಲಾ ಸೌಲಭ್ಯಗಳು ನಿಂತಿವೆ.

ಹುಬ್ಬಳ್ಳಿ: ವಾಣಿಜ್ಯ ನಗರಿಯ ಪ್ರತಿಷ್ಠಿತ ಡಿಜಿಟಲ್ ಗಾರ್ಡನ್ ಹು-ಧಾ ಮಹಾನಗರ ಪಾಲಿಕೆ ನಿರ್ಲಕ್ಷ್ಯದಿಂದ ಪ್ರಾಬ್ಲಮ್ಸ್ ಗಾರ್ಡನ್ ಆಗಿದೆ. ಎಲ್ಲೆಂದರಲ್ಲಿ ಕೇಬಲ್​​ಗಳು ಹರಿದು ಬಿದ್ದು, ವೈಫೈ ಬಾಕ್ಸ್​​ಗಳು ಮೂಲೆಗುಂಪಾಗಿದ್ದು ಅವ್ಯವಸ್ಥೆಗೆ ಸಾಕ್ಷಿಯಾಗಿದೆ.

ನಗರದಲ್ಲಿ ಪ್ರಥಮ ಬಾರಿಗೆ ಕುಂಭಕೋಣಂ ಪ್ಲಾಟ್ ಬೈಲಪ್ಪನಗರದಲ್ಲಿ ಡಿಜಿಟಲ್ ಗಾರ್ಡನ್ ಮಾಡಲಾಗಿತ್ತು. ಗಾರ್ಡನ್​ನಲ್ಲಿ ವೈಫೈ, ಮೊಬೈಲ್ ಚಾರ್ಜರ್, ಇಂಟರ್​ನೆ​ಟ್ ಸೌಲಭ್ಯ‌ ನೀಡಲಾಗಿತ್ತು. ಅಲ್ಲದೇ ಇಲ್ಲಿ ಬರುವ ವಾಯು ವಿಹಾರಿಗಳಿಗೆ ಡಿಜಿಟಲ್ ಸೇವೆಯನ್ನು ನೀಡಲಾಗುತ್ತಿತ್ತು. ಆದರೆ ಈಗ ಆ ಎಲ್ಲಾ ಸೌಲಭ್ಯಗಳು ನಿಂತಿವೆ.

ಸೂಕ್ತ ನಿರ್ವಹಣೆ ಇಲ್ಲದ ಕಾರಣ ಸೋಲಾರ್ ವ್ಯವಸ್ಥೆ ಕೂಡ ಹಾಳಾಗಿದೆ. ಜೊತೆಗೆ ಎಲ್ಲಾ ಸೌಲಭ್ಯಗಳು ಸ್ಥಗಿತಗೊಂಡಿವೆ. ಪಾಲಿಕೆಯಿಂದ ಲಕ್ಷಾಂತರ ರೂ. ವ್ಯಯ ಮಾಡಿ ನಿರ್ಮಾಣ ಮಾಡಿದ್ದ ಡಿಜಿಟಲ್ ಗಾರ್ಡನ್​ ಸದ್ಯ ಪಾಳು ಬಿದ್ದಿದೆ.

ಇಷ್ಟು ಅವ್ಯವಸ್ಥೆ ತಾಂಡವವಾಡುತ್ತಿದ್ದರೂ ಕೂಡ ಪಾಲಿಕೆ ಅಧಿಕಾರಿಗಳು ಕ್ರಮಕ್ಕೆ ಮುಂದಾಗಿಲ್ಲ ಎನ್ನಲಾಗಿದೆ.