ನಿಗದಿ ಗ್ರಾ.ಪಂ ಉಪಚುನಾವಣೆ: ತಂದೆ ನಿಧನದಿಂದ ತೆರವಾದ ಸ್ಥಾನಕ್ಕೆ ಮಗ ಆಯ್ಕೆ

ತಂದೆಯ ನಿಧನದಿಂದ ತೆರವಾದ ಸ್ಥಾನಕ್ಕೆ ಮಗ ಆಯ್ಕೆಯಾದ ಘಟನೆ ಧಾರವಾಡದ ನಿಗದಿ ಗ್ರಾಮ ಪಂಚಾಯತ್​ನ ಮೊದಲನೇ ವಾರ್ಡ್​ನಲ್ಲಿ ನಡೆದಿದೆ.

ಧಾರವಾಡ: ಧಾರವಾಡತಾಲೂಕಿನ ನಿಗದಿ ಗ್ರಾಮ ಪಂಚಾಯತ್​ನ ಮೊದಲನೇ ವಾರ್ಡ್​ನಲ್ಲಿ ಒಂದು ಸ್ಥಾನಕ್ಕೆ ಜರುಗಿದ ಉಪಚುನಾವಣೆಯಲ್ಲಿ ಸಂತೋಷ ನಾಗಪ್ಪ ದಾಸನಕೊಪ್ಪ ಜಯಗಳಿಸಿದ್ದಾರೆ.

437 ಮತಗಳನ್ನು ಪಡೆದುಕೊಂಡ ಸಂತೋಷ ದಾಸನಕೊಪ್ಪ ಪ್ರತಿಸ್ಪರ್ಧಿಗಳನ್ನು ಹಿಂದಿಕ್ಕಿ ಜಯಗಳಿಸಿದರು. ಇವರಿಗೆ ಪ್ರಮಾಣಪತ್ರ ವಿತರಿಸಲಾಯಿತು. ಈ ಸಂದರ್ಭದಲ್ಲಿ ಸಹಾಯಕ ಚುನಾವಣಾಧಿಕಾರಿ ತಹಶೀಲ್ದಾರ್​ ಡಾ.ಸಂತೋಷ ಬಿರಾದಾರ, ಚುನಾವಣಾಧಿಕಾರಿ ವಿ.ಪಿ.ಜಾಕೋಜಿ, ಸಹಾಯಕ ಚುನಾವಣಾಧಿಕಾರಿ ಅರ್ಜುನ ಲಮಾಣಿ ಹಾಗೂ ಇತರರು ಇದ್ದರು.

ಸಂತೋಷ ದಾಸನಕೊಪ್ಪ ಅವರ ತಂದೆ ನಾಗಪ್ಪ ದಾಸನಕೊಪ್ಪ ಅವರು ಕೊರೊನಾ ಎರಡನೇ ಅಲೆಯಲ್ಲಿ ಕೋವಿಡ್​ನಿಂದ ನಿಧನ ಹೊಂದಿದ್ದರು.‌ ಅವರು ಸಹ ಗ್ರಾ.ಪಂ ಅಧ್ಯಕ್ಷರಾಗಿದ್ದರು.