ಬೆಂಗಳೂರು ಟು ಉತ್ತರ ಪ್ರದೇಶ: ಕಂಟೈನರ್​​​ಗಳಗಳ ಪರಿಶೀಲನೆ, ಸಿಕ್ಕಿಬಿದ್ದ 130 ಕಾರ್ಮಿಕರು

ಅನಧಿಕೃತವಾಗಿ ಬೆಂಗಳೂರಿನಿಂದ ಉತ್ತರ ಪ್ರದೇಶಕ್ಕೆ ಹೊರಟಿದ್ದ ವಲಸೆ ಕಾರ್ಮಿಕರನ್ನು ತಡೆದು ಬೆಂಡಿಗೇರಿ ಠಾಣೆ ಪೊಲೀಸರು ಪರಿಶೀಲನೆ ನಡೆಸಿದರು.

ಹುಬ್ಬಳ್ಳಿ:ಯಾವುದೇ ಪಾಸ್​ ಮತ್ತು ಅನುಮತಿ ಇಲ್ಲದೇ,ಬೆಂಗಳೂರಿನಿಂದ ಉತ್ತರ ಪ್ರದೇಶಕ್ಕೆ ಹೊರಟ್ಟಿದ್ದ 130 ವಲಸೆ ಕಾರ್ಮಿಕರಿದ್ದ ಎರಡು ಕಂಟೇನರ್​​ಗಳನ್ನು ಹುಬ್ಬಳ್ಳಿಯ ಗಬ್ಬೂರ್​​​ ಬೈ ಪಾಸ್​​​​​ನಲ್ಲಿ ​ ತಡೆದು ಪರಿಶೀಲನೆ ನಡೆಸಲಾಯಿತು.

ಬೆಂಡಿಗೇರಿ ಪೊಲೀಸ್ ಠಾಣೆಯ ಇನ್ಸ್​​​ಪೆಕ್ಟರ್​​​​​​​​ ಅರುಣ್​​ ಕುಮಾರ್​ ನೇತೃತ್ವದಲ್ಲಿ ಅಧಿಕಾರಿಗಳು ಪರಿಶೀಲನೆ ನಡೆಸಿದರು. ಬೆಂಗಳೂರಿನಿಂದ ಹುಬ್ಬಳ್ಳಿಗೆ ಬರುವವರೆಗೂ ಯಾವುದೇ ಚೆಕ್​​ಪೋಸ್ಟ್​​​​ನಲ್ಲಿ ತಪಾಸಣೆ ನಡೆಸಿಲ್ಲ.

ವಲಸೆ ಕಾರ್ಮಿಕರ ಪಾಸ್ ಹಾಗೂ ಅನುಮತಿ ಪಡೆಯದೇ ಕಂಟೇನರ್​​​ ಬಾಡಿಗೆ ಮಾಡಿಕೊಂಡು ತವರಿಗೆ ಹೊರಟಿರುವ ಮಾಹಿತಿ ಕಲೆಹಾಕಿದ ಪೊಲೀಸರು, ಗಬ್ಬೂರು ಬಳಿ ತಡೆದು ತಪಾಸಣೆ ನಡೆಸಿ ದಾಖಲೆ ಪರಿಶೀಲಿಸಿದರು. ಜಿಲ್ಲಾಡಳಿತವು ಶ್ರಮಿಕ್ ಎಕ್ಸ್‌ಪ್ರೆಸ್‌ ಮೂಲಕ ವಲಸೆ ಕಾರ್ಮಿಕರನ್ನು ಉತ್ತರ ಪ್ರದೇಶಕ್ಕೆ ಕಳುಹಿಸಿಕೊಡುವ ಸಾಧ್ಯತೆಗಳು ಹೆಚ್ಚಾಗಿವೆ.