ಪ್ಲಾಸ್ಮಾ ನೀಡಿ ಎಲ್ಲರಿಗೂ ಮಾದರಿಯಾದ ಹುಬ್ಬಳ್ಳಿ ಪೊಲೀಸ್​ ಸಿಬ್ಬಂದಿ

ಕೊರೊನಾ ಸೋಂಕಿನಿಂದ ಗುಣಮುಖರಾಗಿರುವ ಹುಬ್ಬಳ್ಳಿಯ ಪೊಲೀಸ್​ ಸಿಬ್ಬಂದಿಯೊಬ್ಬರು ಇತರೆ ಸೋಂಕಿತರ ಪ್ರಾಣ ರಕ್ಷಣೆಗೆ ಮುಂದಾಗುವ ಮೂಲಕ ಮಾದರಿಯಾಗಿದ್ದಾರೆ.

ಹುಬ್ಬಳ್ಳಿ: ಪ್ಲಾಸ್ಮಾ ಥೆರಪಿ ಕೊರೊನಾ ಸೋಂಕಿತರಿಗೆ ಜೀವ ಉಳಿಸುವ ಸಂಜೀವಿನಿ ಆಗಿದೆ. ನಗರದ ಪೊಲೀಸ್​ ಸಿಬ್ಬಂದಿಯೊಬ್ಬರು ಕೋವಿಡ್​ ಸೋಂಕಿಗೆ ಒಳಗಾಗಿ ಇದೀಗ ಸಂಪೂರ್ಣ ಗುಣಮುಖರಾಗಿದ್ದು, ಪ್ಲಾಸ್ಮಾ ದಾನ ಮಾಡುವ ಮೂಲಕ ಮಾದರಿಯಾಗಿದ್ದಾರೆ.

ನಗರದ ಗಂಟಿಕೇರಿ ಪೊಲೀಸ್​ ಠಾಣೆಯ ಸಿಬ್ಬಂದಿ ವಿಠ್ಠಲ್ ಮಾದರ್ ಎಂಬುವರು ಕೆಲವು ದಿನಗಳ ಹಿಂದೆ ಕೊರೊನಾ ಸೋಂಕಿಗೆ ತುತ್ತಾಗಿದ್ದರು. ನಂತರ ಕಿಮ್ಸ್​ಗೆ ದಾಖಲಾಗಿ ಚಿಕಿತ್ಸೆ ಪಡೆದು ಸಂಪೂರ್ಣ ಗುಣಮಖರಾಗಿದ್ದರು. ಇದೀಗ ಪ್ಲಾಸ್ಮಾ ನೀಡುವ ಮೂಲಕ ಇತರ ಕೋವಿಡ್​​ ಸೋಂಕಿತರ ಜೀವ ರಕ್ಷಣೆಗೆ ಮುಂದಾಗಿದ್ದಾರೆ.