ಡ್ರಗ್ಸ್ ಜಾಗೃತಿ : ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೆ ಹುಬ್ಬಳ್ಳಿ ಹೆಸ್ಕಾಂ ಅಧಿಕಾರಿ ಸೈಕಲ್ ಜಾಥಾ!

ದೇಶದಲ್ಲಿ ಹೆಚ್ಚಾಗಿರುವ ಮಾದಕ ದ್ರವ್ಯ, ಗಾಂಜಾ ಸೇವನೆಯ ಶಮನಕ್ಕೆ ಹಾಗೂ ಯುವಕರಿಗೆ ತಿಳಿ ಹೇಳಲು ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೂ ಸೈಕಲ್ ಜಾಥಾ ಮೂಲಕ ಜಾಗೃತಿ ಮೂಡಿಸುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ..

ಹುಬ್ಬಳ್ಳಿ :ಡ್ರಗ್ಸ್ ಹಾಗೂ ಇನ್ನಿತರ ಮಾದಕವಸ್ತು ಸೇವನೆಯಿಂದ ಆಗುತ್ತಿರುವ ದುಷ್ಪರಿಣಾಮಗಳ ಬಗ್ಗೆ ಜಾಗೃತಿ ಮೂಡಿಸಲು ಹುಬ್ಬಳ್ಳಿಯ ಹೆಸ್ಕಾಂ ಇನ್ಸ್‌ಪೆಕ್ಟರ್‌ ಮುರಗೇಶ್​ ಆರ್.ಚನ್ನಣ್ಣವರ್​ ಸೈಕಲ್ ಜಾಥಾ ಮೂಲಕ ಕಾಶ್ಮೀರದಿಂದ ಹುಬ್ಬಳ್ಳಿಗೆ ಬಂದ ವೇಳೆ ಪೊಲೀಸ್ ಸಿಬ್ಬಂದಿ ಹಾಗೂ ಆಟೋ ಚಾಲಕರ ಸಂಘದಿಂದ ನಗರದ ಕಿತ್ತೂರು ಚೆನ್ನಮ್ಮ ವೃತ್ತದಲ್ಲಿ ಸನ್ಮಾನಿಸಿ ಬೀಳ್ಕೋಟ್ಟರು.

ನಂತರ ಮಾತನಾಡಿದ ಹೆಸ್ಕಾಂ ಇನ್ಸ್‌ಪೆಕ್ಟರ್​ ಮುರಗೇಶ್​ ಚನ್ನಣ್ಣವರ್, ದೇಶದಲ್ಲಿ ಹೆಚ್ಚಾಗಿರುವ ಮಾದಕ ದ್ರವ್ಯ, ಗಾಂಜಾ ಸೇವನೆಯ ಶಮನಕ್ಕೆ ಹಾಗೂ ಯುವಕರಿಗೆ ತಿಳಿ ಹೇಳಲು ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೂ ಸೈಕಲ್ ಜಾಥಾ ಮೂಲಕ ಜಾಗೃತಿ ಮೂಡಿಸುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ ಎಂದರು.

ನನ್ನ ಜೊತೆಗೆ ಸದಾನಂದ, ಪ್ರಶಾಂತ್​ ಸೈಕಲ್ ಜಾಥಾ ಆರಂಭಿಸಿದ್ದಾರೆ. ಇನ್ನೂ 5 ದಿನಗಳಲ್ಲಿ ಸೈಕಲ್ ಜಾಥಾ ಮುಕ್ತಾಯವಾಗಲಿದೆ ಎಂದು ತಿಳಿಸಿದರು. ಈ ಸಂದರ್ಭದಲ್ಲಿ ಉಪನಗರ ಠಾಣೆ ಇನ್​ಸ್ಪೆಕ್ಟರ್​ ರವಿಚಂದ್ರನ್, ಟ್ರಾಫಿಕ್ ಇನ್ಸ್‌ಪೆಕ್ಟರ್ ಎನ್. ಕಾಡದೇವರಮಠ, ಸಿಬ್ಬಂದಿ ಇದ್ದರು.