ವೃದ್ಧಾಶ್ರಮದಲ್ಲಿ ದೀಪಾವಳಿ ಸಂಭ್ರಮ.. ಹುಬ್ಬಳ್ಳಿಯ ಮಂಜುನಾಥ ಎಂಟ್ರೂವಿ ಕುಟುಂಬಸ್ಥರ ಸೇವೆಗೆ ಮೆಚ್ಚುಗೆ

ಹುಬ್ಬಳ್ಳಿ ನವನಗರದ ಮೈತ್ರಿ ಅಸೋಸಿಯೇಷನ್​​ ವೃದ್ಧಾಶ್ರಮದ ಹಿರಿಯ ಜೀವಗಳಿಗೆ ಸಮಾಜ ಸೇವಕ ಮಂಜುನಾಥ ಎಂಟ್ರೂವಿ ಕುಟುಂಬಸ್ಥರು ಹೊಸ ಬಟ್ಟೆ, ಸೀರೆ ಹಾಗೂ ಸಿಹಿ ವಿತರಿಸಿ ದೀಪಾವಳಿಯನ್ನು ಆಚರಿಸಿದ್ದಾರೆ.

ಹುಬ್ಬಳ್ಳಿ: ದೀಪಾವಳಿ ಹಬ್ಬದಂದು ವಿಶೇಷ ಪೂಜೆ, ದೀಪ ಬೆಳಗಿಸುವುದು, ಪಟಾಕಿ ಸಿಡಿಸಿ ಸಂಭ್ರಮಿಸುವುದು ಸಾಮಾನ್ಯ. ಇಲ್ಲೊಂದು ಕುಟುಂಬವು ಮತ್ತೊಬ್ಬರ ಮನದ ದೀಪ ಬೆಳಗಿಸಿ ಅವರನ್ನು ಖುಷಿ ಪಡಿಸುವ ಮೂಲಕ ಮಾದರಿ ಆಗಿದ್ದಾರೆ.

ಹೌದು, ಹುಬ್ಬಳ್ಳಿ ನವನಗರದ ಮೈತ್ರಿ ಅಸೋಸಿಯೇಷನ್​​ ವೃದ್ಧಾಶ್ರಮದ ಅದೆಷ್ಟೋ ಹಿರಿಯ ಜೀವಗಳಿಗೆ ತನ್ನ ದುಡಿಮೆಯಲ್ಲೇ ಸಹಾಯಹಸ್ತ ಚಾಚುವ ಸಮಾಜ ಸೇವಕ ಮಂಜುನಾಥ ಎಂಟ್ರೂವಿ ಈ ಬಾರಿ ಹೊಸ ಬಟ್ಟೆ, ಸೀರೆ ಹಾಗೂ ಸಿಹಿ ವಿತರಿಸಿ ದೀಪಾವಳಿಯನ್ನು ಆಚರಿಸಿದ್ದಾರೆ. ಪರೋಪಕಾರದ ಮೂಲಕ ವೃದ್ಧಾಶ್ರಮದಲ್ಲಿ ಆನಂದದ ಜ್ಯೋತಿ ಬೆಳಗಿಸಿದ್ದಾರೆ.

ಇದನ್ನೂ ಓದಿ:ಹೊಂಡೆಕಾಯಿ ಹೊಡೆದಾಟ: ಬೆಳಕಿನ ಹಬ್ಬದಂದು ಅಂಕೋಲಾದಲ್ಲೊಂದು ವಿಭಿನ್ನ ಆಚರಣೆ

ಹಬ್ಬದ ಸಂಭ್ರಮವನ್ನು ತಮ್ಮ ತಮ್ಮ ಮನೆಗಳಲ್ಲಿ ಆಚರಿಸುವ ಬದಲಾಗಿ ಮತ್ತೊಬ್ಬರಿಗೆ ನೆರವಾಗಿ ಜ್ಯೋತಿ ಬೆಳಗಿಸಿದ ಇವರ ಕಾರ್ಯಕ್ಕೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.