'ಚಿಟಗುಪ್ಪಿ ಬ್ರಿಟಿಷರ ಲಾಕರ್' ಓಪನ್​​​.. ಅದರಲ್ಲಿ ಸಿಕ್ಕಿದ್ದೇನು?- ಈಟಿವಿ ಭಾರತ ವರದಿ ಫಲಶೃತಿ

ಚಿಟಗುಪ್ಪಿ ಆಸ್ಪತ್ರೆಯಲ್ಲಿ ಸಿಕ್ಕ ಲಾಕರ್ ಅನ್ನು ಅಧಿಕಾರಿಗಳ ಸಮ್ಮುಖದಲ್ಲಿ ಓಪನ್ ಮಾಡಲಾಗಿದ್ದು, ಅದರಲ್ಲಿ ವಿವಿಧ ದಾಖಲೆಗಳು ದೊರೆತಿವೆ.

ಹುಬ್ಬಳ್ಳಿ: ತೀವ್ರ ಕುತೂಹಲಕ್ಕೆ ಕಾರಣವಾಗಿದ್ದ ಚಿಟಗುಪ್ಪಿ ಆಸ್ಪತ್ರೆಯಲ್ಲಿ ಸಿಕ್ಕ ಲಾಕರ್ ಅನ್ನು ಅಧಿಕಾರಿಗಳ ಸಮ್ಮುಖದಲ್ಲಿ ಓಪನ್ ಮಾಡಲಾಗಿದ್ದು, ಅದರಲ್ಲಿ ವಿವಿಧ ದಾಖಲೆಗಳು ದೊರೆತಿವೆ.

ಆಸ್ಪತ್ರೆ ಶಿಥಿಲಾವಸ್ಥೆ ತಲುಪಿದ ಹಿನ್ನೆಲೆ, ಕಟ್ಟಡದ ತೆರವು ಕಾರ್ಯಾಚರಣೆ ಮಾಡಲಾಗುತ್ತಿತ್ತು. ಈ ವೇಳೆ, ಒಂದು ಗೋಡೆಯಲ್ಲಿ ಕಬ್ಬಿಣದ ಲಾಕರ್​ ದೊರೆತಿತ್ತು. ಆಗ ಸ್ಥಳೀಯರು ಅದರಲ್ಲಿ ನಗ - ನಾಣ್ಯಗಳು ಇರಬಹುದು ಎಂದು ಮಾತನಾಡಿಕೊಳ್ಳುತ್ತಿದ್ದರು. ಈ ಕುರಿತು ''ಕುತೂಹಲ ಕೆರಳಿಸಿದ 'ಚಿಟಗುಪ್ಪಿ ಬ್ರಿಟಿಷರ ಲಾಕರ್'.. ಗೋಡೆಯಲ್ಲಿರುವ ಲಾಕರ್​ನಲ್ಲಿ ಏನಿದೆ!?'' ಎಂಬ ಶೀರ್ಷಿಕೆ ಅಡಿ ಈಟಿವಿ ಭಾರತ ಸುದ್ದಿ ಪ್ರಕಟಿಸಿತ್ತು.

ಇದನ್ನೂ ಓದಿ:ಕುತೂಹಲ ಕೆರಳಿಸಿದ 'ಚಿಟಗುಪ್ಪಿ ಬ್ರಿಟಿಷರ ಲಾಕರ್'.. ಗೋಡೆಯಲ್ಲಿರುವ ಲಾಕರ್​ನಲ್ಲಿ ಏನಿದೆ!?

ಅದರಂತೆ ಹು-ಧಾ ಮಹಾನಗರ ಪಾಲಿಕೆ ವೈದ್ಯಾಧಿಕಾರಿ ಡಾ. ಶ್ರೀಧರ ದಂಡೆಪ್ಪನವರ ನೇತೃತ್ವದಲ್ಲಿ ಪೊಲೀಸ್​ ಬಿಗಿ ಭದ್ರತೆಯಲ್ಲಿ, ಸಿದ್ದೇಶ್ವರ ಕಂಪನಿಯ ಲಾಕರ್ ಓಪನ್ ಮಾಡುವ ಕಾರ್ಮಿಕರು ಒಂದೂವರೆ ಗಂಟೆಯಲ್ಲಿ ಲಾಕರ್ ಓಪನ್ ಮಾಡಿದ್ದಾರೆ. ಲಾಕರ್​ನಲ್ಲಿ ಆಸ್ಪತ್ರೆಗೆ ಸಂಬಂಧಿಸಿದ ಕಾಗದಗಳು ಹಾಗೂ ಒಂದು ನಾಣ್ಯ ದೊರೆತಿದೆ. ಅವುಗಳನ್ನು ಅಧಿಕಾರಿಗಳು ತಮ್ಮ ವಶಕ್ಕೆ ಪಡೆದುಕೊಂಡರು.