ಇಂದು-ನಾಳೆ ನಡೆಯುವ ವಾಲ್ಮೀಕಿ ಜಾತ್ರೆಗೆ ಸಕಲ ಸಿದ್ದತೆ: ಪ್ರಸನ್ನಾನಂದ ಶ್ರೀಗಳು

ತಾಲೂಕಿನ ರಾಜನಹಳ್ಳಿ ಗ್ರಾಮದಲ್ಲಿ ಶ್ರೀ ಮಹರ್ಷಿ ವಾಲ್ಮೀಕಿ ಎರಡನೇ ವರ್ಷದ ಜಾತ್ರಾ ಸಿದ್ದತೆಗಾಗಿ ಪೊಲೀಸ್, ಊಟ, ವೇದಿಕೆಯ ಬಗ್ಗೆ ಪ್ರಸನ್ನಾನಂದ ಶ್ರೀಗಳು ಮಾಹಿತಿ ನೀಡಿದ್ದಾರೆ.

ಹರಿಹರ: ಎರಡು ದಿನ ನಡೆಯಲಿರುವ ಶ್ರೀ ಮಹರ್ಷಿ ವಾಲ್ಮೀಕಿ ಜಾತ್ರೆಯಲ್ಲಿ ಭದ್ರತೆಗೆ ಡಿವೈಎಸ್‌ಪಿ ಸಿಬ್ಬಂದಿ 5, ಸಿಪಿಐ 8, ಪಿಎಸ್‌ಐ 30, ಎಎಸ್‌ಐ 80, ಪೇದೆಗಳು 400, ಗೃಹ ರಕ್ಷಕ ದಳದ 250 ಸಿಬ್ಬಂದಿಗಳನ್ನು ಭದ್ರತೆಗೆ ನಿಯೋಜನೆ ಮಾಡಲಾಗಿದೆ.

ವೇದಿಕೆಯು 100x50 ವಿಸ್ತೀರ್ಣವನ್ನು ಹೊಂದಿದ್ದು, ಭಕ್ತರಿಗಾಗಿ 260x450 ವಿಸ್ತೀರ್ಣದ ಶಾಮಿಯಾನ, 50,000 ಆಸನಗಳ ವ್ಯವಸ್ಥೆ, 3 ಹೆಲಿಪ್ಯಾಡ್, 4 ಭಾಗದಲ್ಲಿ ವಾಹನ ನಿಲುಗಡೆ ವ್ಯವಸ್ಥೆ, ಭದ್ರತೆ ದೃಷ್ಠಿಯಿಂದ 18 ಸಿಸಿ ಕ್ಯಾಮರಾಗಳನ್ನು ಅಳವಡಿಸಲಾಗಿದೆ. ಊಟದ ವ್ಯವಸ್ಥೆಗೆ 50 ಕೌಂಟರ್‌ಗಳು, 300 ಜನ ಅಡುಗೆ ಭಟ್ಟರು, ಉತ್ತರ ಕರ್ನಾಟಕದ ಸಿಹಿ ಪದಾರ್ಥ ಸಜ್ಕಾ, ಪಾಯಸ, ರೊಟ್ಟಿ, ಪಲ್ಯ, ಚಟ್ನಿ ಪುಡಿ, ಅನ್ನ-ಸಾಂಬಾರ್, ಬೆಳಗಿನ ಉಪಹಾರಕ್ಕೆ ರೈಸ್ ಬಾತ್ ಹಾಗೂ ಇತರೆ ಆಹಾರ ಪದಾರ್ಥಗಳು ಔತಣಕ್ಕೆ ಸಿದ್ದವಾಗಿವೆ ಎಂದು ವಾಲ್ಮೀಕಿ ಮಠದ ಪೀಠಾಧಿಪತಿ ಪ್ರಸನ್ನಾನಂದ ಮಹಾಸ್ವಾಮಿಜಿ ತಿಳಿಸಿದ್ದಾರೆ.