ದಾವಣಗೆರೆ : ಬೆಣ್ಣೆನಗರಿಯ ದೇಶದ ಅತಿ ದೊಡ್ಡ ಗ್ಲಾಸ್ ಹೌಸ್ನಲ್ಲಿ ಗಣರಾಜ್ಯೋತ್ಸವ ಅಂಗವಾಗಿ 23 ರಿಂದ 26ರವೆರೆಗೆ ನಾಲ್ಕು ದಿನಗಳ ಕಾಲ ತೋಟಗಾರಿಕೆ ಇಲಾಖೆ ವತಿಯಿಂದ ಫಲಪುಷ್ಪ ಪ್ರದರ್ಶನ ಏರ್ಪಡಿಸಲಾಗಿದೆ.
ಕಳೆದ ಬಾರಿ ಅದ್ಧೂರಿಯಾಗಿ ಫಲಪುಷ್ಪ ಪ್ರದರ್ಶನ ನಡೆಸಲಾಗಿತ್ತು. ಕೊರೊನಾ ಭಯದಿಂದ ಪ್ರದರ್ಶನ ಮಾಡಬೇಕಾ ಬೇಡ್ವಾ ಎಂಬ ಗೊಂದಲದಲ್ಲಿ ಕೊನೆಗೂ ತೋಟಗಾರಿಕೆ ಇಲಾಖೆ ಸರಳ ಫಲಪುಷ್ಟ ಪ್ರದರ್ಶನ ಹಮ್ಮಿಕೊಂಡಿದೆ.
ದೇಶದ ಅತಿ ದೊಡ್ಡ ಗ್ಲಾಸ್ ಹೌಸ್ನಲ್ಲಿ ಫಲಪುಷ್ಪ ಪ್ರದರ್ಶನ..
ಪುಷ್ಪ ಪ್ರದರ್ಶನದ ಮುಖ್ಯ ಆಕರ್ಷಣೆ ಬಿಂದು ಅಂದ್ರೆ 'ಗೇಟ್ ವೇ ಆಫ್ ಇಂಡಿಯಾ' ಸ್ಮಾರಕ. ವಿವಿಧ ಹೂವಿನಿಂದ ಅಲಂಕೃತವಾಗಿರುವ ಗೇಟ್ ವೇ 26 ಅಡಿ ಎತ್ತರ, 17 ಅಡಿ ಅಗಲ ಹೊಂದಿದೆ.
ಈ ಗೇಟ್ ನಿರ್ಮಾಣಕ್ಕೆ 2 ಲಕ್ಷದ ಹತ್ತು ಸಾವಿರ ಬಿಳಿ, ಕೆಂಪು ಮತ್ತು ಹಳದಿ ಬಣ್ಣದ ಸೇವಂತಿಗೆ ಹೂವುಗಳು ಹಾಗೂ 36 ಸಾವಿರ ಕೆಂಪು ಗುಲಾಬಿ ಎಲೆಗಳನ್ನು ಬಳಸಲಾಗಿದೆ.