Watch Video - ಕೋವಿಡ್​ ಲಸಿಕೆಗೆ ಹೆದರಿ ಹೆಂಚಿನ ಮನೆ ಏರಿದ ದಾವಣಗೆರೆಯ ವೃದ್ಧ!

ಹದಡಿ ಗ್ರಾಮಕ್ಕೆ‌ ಭೇಟಿ ನೀಡಿದ ಆರೋಗ್ಯ ಸಿಬ್ಬಂದಿ ವೃದ್ಧ ಹನುಮಂತಪ್ಪಗೆ ಕೋವಿಡ್​ ಲಸಿಕೆ ಹಾಕಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ. ಆದ್ರೆ ಲಸಿಕೆ ಪಡೆಯಲು ನಿರಾಕರಿಸಿದ ವೃದ್ಧ ಹೆಂಚಿನ ಮನೆ ಏರಿ ಕುಳಿತು ಲಸಿಕೆ ಪಡೆಯೋಲ್ಲ ಅಂತ ಹಠ ಹಿಡಿದ ಘಟನೆ ದಾವಣೆಗೆರೆ ಜಿಲ್ಲೆಯಲ್ಲಿ ನಡೆದಿದೆ.

ದಾವಣಗೆರೆ:ಜಿಲ್ಲೆಯ ಹದಡಿ ಗ್ರಾಮಕ್ಕೆ‌ ಭೇಟಿ ನೀಡಿದ ಆರೋಗ್ಯ ಇಲಾಖೆ ಸಿಬ್ಬಂದಿ ವೃದ್ಧನೋರ್ವನಿಗೆ ಕೋವಿಡ್​ ಲಸಿಕೆ ಹಾಕಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ. ಆದ್ರೆ ಲಸಿಕೆ ಪಡೆಯಲು ನಿರಾಕರಿಸಿದ ವೃದ್ಧ ಹೆಂಚಿನ ಮನೆ ಏರಿ ಕುಳಿತು ಹೈಡ್ರಾಮ ಸೃಷ್ಟಿಸಿದ್ದಾನೆ.

77 ವರ್ಷ ವಯಸ್ಸಿನ ವೃದ್ಧ ಹನುಮಂತಪ್ಪ ಲಸಿಕೆ‌ ಪಡೆಯಲು ನಿರಾಕರಿಸಿ ಹಠ ಹಿಡಿದ ವೃದ್ಧ. ಇಂದು ದಾವಣಗೆರೆ ತಹಶೀಲ್ದಾರ್​ ಗಿರೀಶ್ ನೇತೃತ್ವದಲ್ಲಿ ಆರೋಗ್ಯ ಸಿಬ್ಬಂದಿ ಮನೆ ಮನೆಗೆ ತೆರಳಿ ಲಸಿಕೆ ಹಾಕುವಾಗ ಈ ಘಟನೆ ನಡೆದಿದೆ.

ಲಸಿಕೆ ಹಾಕಲು ಹದಡಿ ಗ್ರಾಮಕ್ಕೆ‌ ಭೇಟಿ ನೀಡಿದ ತಂಡ ವೃದ್ಧ ಹನುಮಂತಪ್ಪರಿಗೆ ಲಸಿಕೆ ಹಾಕಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ. ಆದ್ರೆ ವ್ಯಾಕ್ಸಿನ್​ ಪಡೆಯಲು ನಿರಾಕರಿಸಿದ ವೃದ್ಧ ಹನುಮಂತಪ್ಪ ಹೆಂಚಿನ ಮನೆ ಏರಿ ಕುಳಿತು ತನಗೆ ಲಸಿಕೆ ಬೇಡವೆಂದು ಹಠ ಹಿಡಿದಿದ್ದರು. ಕೊನೆಗೂ ಹನುಮಂತಪ್ಪರ ಮನವೊಲಿಸಿ ಲಸಿಕೆ ಹಾಕುವಲ್ಲಿ ಆರೋಗ್ಯ ಇಲಾಖೆ ಸಿಬ್ಬಂದಿ ಯಶಸ್ವಿಯಾಗಿದ್ದಾರೆ.

ಇದನ್ನೂ ಓದಿ:ನೀರಿನ ಟ್ಯಾಂಕ್ ಸ್ವಚ್ಛ ಮಾಡುವಾಗ ಉಸಿರುಗಟ್ಟಿ ಇಬ್ಬರು ಸಾವು : ಓರ್ವನ ಸ್ಥಿತಿ ಚಿಂತಾಜನಕ