ಬಿಎಂಟಿಸಿ ಡಿಪೋಗೆ ನಂದೀಶ್ ರೆಡ್ಡಿ ಭೇಟಿ: ಅಧಿಕಾರಿಗಳಿಗೆ ತರಾಟೆ

ಬಿಎಂಟಿಸಿ ಅಧ್ಯಕ್ಷ ಎನ್.ಎಸ್. ನಂದೀಶ್ ರೆಡ್ಡಿ ಅವರು ಕೆ ಆರ್ ಪುರಂನ ಐಟಿಐ ಬಳಿ ಇರುವ ಬಿಎಂಟಿಸಿ ಡಿಪೋ 24ಕ್ಕೆ ಅನಿರೀಕ್ಷಿತ ಭೇಟಿ ನೀಡಿದ್ದರು.

ಬೆಂಗಳೂರು: ಸೋಮವಾರ ಬಿಎಂಟಿಸಿ ಅಧ್ಯಕ್ಷ ಎನ್.ಎಸ್. ನಂದೀಶ್ ರೆಡ್ಡಿ ಕೆ ಆರ್ ಪುರಂನ ಐಟಿಐ ಬಳಿ ಇರುವ ಬಿಎಂಟಿಸಿ ಡಿಪೋ 24ಕ್ಕೆ ಅನಿರೀಕ್ಷಿತ ಭೇಟಿ ನೀಡಿದ್ದರು.

ಡಿಪೋದ ಅವ್ಯವಸ್ಥೆ ಕಂಡು ಅಧಿಕಾರಿಗಳಿಗೆ ಚಳಿ ಬಿಡಿಸಿದರು.‌ ಬಿಎಂಟಿಸಿಯ ಎಲ್ಲಾ ವಿಭಾಗೀಯ ನಿಯಂತ್ರಣಾಧಿಕಾರಿಗಳಿಗೆ ಸೂಚನೆ ನೀಡಿದ್ರು. ಬಸ್​ಗಳ ಸ್ವಚ್ಛತೆಗೆ ಆದ್ಯತೆ ನೀಡಿ, ನೌಕರರ ವಿಶ್ರಾಂತಿ ಕೊಠಡಿ, ಶೌಚಾಲಯ ಸ್ವಚ್ಛವಾಗಿರಬೇಕು, ಬಸ್​ಗಳ ಸೀಟುಗಳು ಉತ್ತಮ ಸ್ಥಿತಿಯಲ್ಲಿರಬೇಕು, ಕೆಟ್ಟು ನಿಂತಿರುವ ಬಸ್​ಗಳನ್ನು ಶೀಘ್ರವೇ ಸರಿಪಡಿಸಿ ಎಂದು ಅಧಿಕಾರಿಗಳಿಗೆ ನಂದೀಶ್ ರೆಡ್ಡಿ ತಾಕೀತು ಮಾಡಿದರು.