ದಾವಣಗೆರೆಯಲ್ಲಿ ದಾಖಲೆ ಇಲ್ಲದೆ ನಗದು ಸಾಗಾಟ: 14 ಲಕ್ಷ ರೂ. ವಶ

ದಾಖಲೆ ಇಲ್ಲದೆ ಸಾಗಿಸುತ್ತಿದ್ದ 14 ಲಕ್ಷದ 20 ಸಾವಿರ ರೂ. ಹಣ ವಶಕ್ಕೆ. ಎಫ್ಎಸ್​​ಟಿ ತಂಡದಿಂದ ಹಣ ವಶಕ್ಕೆ.

ದಾವಣಗೆರೆ: ನಗರದ ಬೇತೂರು ರಸ್ತೆ ಚೆಕ್ ಪೋಸ್ಟ್ ಬಳಿ ದಾಖಲೆ ಇಲ್ಲದೆ ಸಾಗಿಸುತ್ತಿದ್ದ 14 ಲಕ್ಷದ 20 ಸಾವಿರ ರೂ. ಹಣವನ್ನು ವಶಪಡಿಸಿಕೊಳ್ಳಲಾಗಿದೆ.

ಹೋಂಡಾ ಶೈನ್ ಬೈಕ್​ನಲ್ಲಿ ಬಸವರಾಜ್ ಎಂಬುವವರು ಹಣ ಸಾಗಿಸುತ್ತಿದ್ದ ವೇಳೆ ಎಫ್ಎಸ್​​ಟಿ ತಂಡದವರು ತಡೆದು ದಾಖಲಾತಿ ತೋರಿಸುವಂತೆ ಕೇಳಿದ್ದಾರೆ. ಆದರೆ ಬಸವರಾಜ್ ಸೂಕ್ತ ದಾಖಲಾತಿ ನೀಡಲಿಲ್ಲ. ಬಳಿಕ ಫ್ಲೈಯಿಂಗ್ ಸ್ಕ್ವಾಡ್ ಟೀಂನ ಮುಖ್ಯಸ್ಥ ರವಿ, ಗಂಗಾಧರ, ಕೃಷ್ಣನಾಯ್ಕ್, ಬಸವರಾಜು, ರವೀಂದ್ರ ಕಾರ್ಯಾಚರಣೆ ನಡೆಸಿ ಹಣ ವಶಪಡಿಸಿಕೊಂಡಿದ್ದಾರೆ.