ನೆಲಮಂಗಲ: ಯೂಟ್ಯೂಬ್ ಚಾನೆಲ್ವೊಂದರ ಮಾಲೀಕ ಕೆಜಿಗಟ್ಟಲೆ ಬಂಗಾರ ಹಾಕಿಕೊಂಡು ಫಾರ್ಚುನರ್ ಕಾರಿನಲ್ಲಿ ಬಂದು 15 ಲಕ್ಷ ರೂ. ಮೌಲ್ಯದ ಮಾಸ್ಕ್ ಖರೀದಿಸಿ ಅನ್ಲೈನ್ನಲ್ಲಿ ಹಣ ಕಳಿಸುವುದಾಗಿ ನಂಬಿಸಿ ಮೋಸ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ.
ಬೆಂಗಳೂರಿನ ಹೆಸರಘಟ್ಟ ರಸ್ತೆಯ ಚಿಕ್ಕಬಾಣವಾರದ ಗಣಪತಿ ನಗರದಲ್ಲಿ ವೆಲ್ನೆಸ್ ಫಾರ್ಮಾ ಎಂಬ ಕಂಪನಿಯೊಂದನ್ನು ಸುರೇಂದ್ರ ಸಿಂಗ್ ಎಂಬುವರು ನಡೆಸುತ್ತಿದ್ದರು. ಕೋವಿಡ್-19ಗೆ ಸಂಬಂಧಿಸಿದ ವಸ್ತುಗಳನ್ನು ಸರಬರಾಜು ಮಾಡುವ ಕಂಪನಿ ಇದಾಗಿದ್ದು, ಏಪ್ರಿಲ್ 16ರ ರಾತ್ರಿ 10.30ರ ಸುಮಾರಿಗೆ ಬಂದ ವೀರೇಶ್, ಮನುಗೌಡ ಮತ್ತು ವಾಣಿ ವಿಜಯ ಕುಮಾರ್ ಎಂಬುವರು ತಾವು ಖಾಸಗಿ ಯೂಟ್ಯೂಬ್ ಚಾನೆಲ್ ಮಾಲೀಕರೆಂದು ಹೇಳಿಕೊಂಡು ಎನ್-95 ಮಾಸ್ಕ್ ಬೇಕಿದೆ ಎಂದು ಸುಮಾರು 15,03,750 ರೂ. ಮೌಲ್ಯದ ಮಾಸ್ಕ್ಗಳನ್ನು ಖರೀದಿಸಿದ್ದಾರೆ.
ಅನ್ಲೈನ್ನಲ್ಲಿ ಹಣ ವರ್ಗಾವಣೆ ಮಾಡುವುದಾಗಿ ಹೇಳಿ ನಾಟಕವಾಡಿ ಈಗ ಹಣ ವರ್ಗಾವಣೆಯಾಗುತ್ತಿಲ್ಲ. ಬೆಳಗ್ಗೆ ಆಫೀಸ್ಗೆ ಬಂದು ಹಣ ಪಡೆಯುವಂತೆ ತಿಳಿಸಿದ್ದಾರೆ. ವೀರೇಶ್ ಮತ್ತು ಮನುಗೌಡ ಮಾತನ್ನು ನಂಬಿ ಸುರೇಂದ್ರ ಸಿಂಗ್ ಅವರು ಮಾಸ್ಕ್ಗಳನ್ನು ಕೊಟ್ಟಿದ್ದಾರೆ.