ಬೆಂಗಳೂರು: ಯುವಕರು ಸಮಸ್ಯೆಗಳಿಂದ ದೂರ ಆಗಲು ಸುಲಭವಾದ ಪರಿಹಾರ ಹುಡುಕಿಕೊಳ್ಳೊದು ಅಂದರೆ ಅದು ಆತ್ಮಹತ್ಯೆ. ಯಾವುದೇ ಸಮಸ್ಯೆ ಎದುರಾದರೂ ಅವುಗಳನ್ನ ಧೈರ್ಯದಿಂದ ಎದುರಿಸುವ ಶಕ್ತಿ ಇಂದಿನ ಯುವಜನತೆಗೆ ಇಲ್ಲದಂತಾಗಿದೆ. ಇದಕ್ಕೆ ಮತ್ತೊಂದು ಉದಾಹರಣೆ ರಾಜಧಾನಿಯಲ್ಲಿ ನಡೆದ ಈ ಘಟನೆ.
ಜ್ಯೂಸ್ ಅಂಗಡಿಯಲ್ಲಿ ಕೆಲಸ ಮಾಡ್ತಿದ್ದ ಪುನೀತ್ ಎಂಬ 24 ವರ್ಷದ ಯುವಕ ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಬಸವೇಶ್ವರ ನಗರ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ತನ್ನ ಮೇಲೆ ಅಂಗಡಿ ಮಾಲಿಕ ಕಳ್ಳತನದ ಆರೋಪ ಹೊರಿಸಿದ್ದಕ್ಕೆ ಮನನೊಂದ ಪುನೀತ್ ಪ್ರಾಣ ಬಿಟ್ಟಿದ್ದಾನೆ.