ಏನೂ ಇಲ್ಲವೆಂದರೆ ಆರು ಜನ ಕೋರ್ಟಿಗೆ ಹೋಗಿದ್ದೇಕೆ? ; ಶಾಸಕ ಅಜಯ್ ಸಿಂಗ್

ಬಿಜೆಪಿ ಶಾಸಕರೇ ಇನ್ನೂ ನಾಲ್ಕೈದು ಸಿಡಿ ಇದೆ ಅಂತಿದ್ದಾರೆ. ಇದರ ಬಗ್ಗೆ ರಾಜ್ಯದ ಜನರೇ ಖುದ್ದಾಗಿ ಕೇಳ್ತಿದ್ದಾರೆ. ಏನೂ ಇಲ್ಲವೆಂದರೆ ಅವರಿಗೆ ಭಯವೇಕೆ? ಅವರಿಗೆ ಭಯ ಇರೋದರಿಂದಲೇ ಕೋರ್ಟಿಗೆ ಹೋಗಿರೋದು ಎಂದು ಶಾಸಕ ಅಜಯ್ ಸಿಂಗ್ ಹೇಳಿದರು.

ಬೆಂಗಳೂರು: ಸಚಿವರಿಗೆ ಭಯವಿದೆಯೇ.. ಏತಕ್ಕೆ ಆರು ಮಂದಿ ಕೋರ್ಟ್ ಮೆಟ್ಟಿಲೇರಿದ್ದಾರೆ. ಮುಂಬೈನಲ್ಲಿ ನಡೆದದ್ದಾರೂ ಏನು ಎಂಬುದನ್ನು ಜನರ ಊಹೆಗೆ ಬಿಡಲಾಗಿದೆ ಎಂದು ಕಾಂಗ್ರೆಸ್ ಶಾಸಕ, ಪ್ರತಿಪಕ್ಷದ ಸಚೇತಕ ಅಜಯ್ ಸಿಂಗ್ ಹೇಳಿದರು.

ವಿಧಾನಸೌಧದಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಅವರು, ಇಂದು ಆರೂವರೆ ಕೋಟಿ ಜನ ನೋಡುತ್ತಿದ್ದಾರೆ. ಮುಂಬೈನಲ್ಲಿ ಏನೆಲ್ಲಾ ನಡೆದಿರಬಹುದು. ಅಲ್ಲಿ ಏನೆಲ್ಲಾ ಆಗಿರಬಹುದು ಎಂದು ಜನರೇ ಗಮನಿಸುತ್ತಿದ್ದಾರೆ ಎಂದರು.

ಬಿಜೆಪಿ ಶಾಸಕರೇ ಇನ್ನೂ ನಾಲ್ಕೈದು ಸಿಡಿ ಇದೆ ಅಂತಿದ್ದಾರೆ. ಇದರ ಬಗ್ಗೆ ರಾಜ್ಯದ ಜನರೇ ಖುದ್ದಾಗಿ ಕೇಳ್ತಿದ್ದಾರೆ. ಏನೂ ಇಲ್ಲವೆಂದರೆ ಅವರಿಗೆ ಭಯವೇಕೆ? ಅವರಿಗೆ ಭಯ ಇರೋದರಿಂದಲೇ ಕೋರ್ಟಿಗೆ ಹೋಗಿರೋದು ಎಂದರು.

ನಾನು ಯಾರು ಏನು ಅಂತ ಹೇಳಲ್ಲ. ಇದರ ಗಂಭೀರತೆಯನ್ನು ನೀವೇ ಅರ್ಥ ಮಾಡಿಕೊಳ್ಳಬೇಕು ಎಂದು ಅಜಯ್ ಸಿಂಗ್ ಹೇಳಿದರು.