ಬೆಂಗಳೂರು: ರಾಜ್ಯ ಸರ್ಕಾರದ ಎಲ್ಲ ಇಲಾಖೆಗಳ ಕಚೇರಿಗಳಲ್ಲಿ ಕಾರ್ಯನಿರ್ವಹಣೆ ವೇಳೆಯಲ್ಲಿ ಖಾಸಗಿ ವ್ಯಕ್ತಿಗಳು ಅನುಮತಿ ಇಲ್ಲದೆ ಫೋಟೋ ತೆಗೆಯುವುದು ಮತ್ತು ವಿಡಿಯೊ ಚಿತ್ರೀಕರಿಸುವುದನ್ನು ನಿಷೇಧಿಸಿ ಹೊರಡಿಸಲಾಗಿದ್ದ ಆದೇಶವನ್ನು ಸರ್ಕಾರ ಹಿಂಪಡೆದಿದೆ. ಆದ್ರೆ, ಈ ಆದೇಶದಲ್ಲಿ ಕೆಲ ಕನ್ನಡ ಪದಗಳನ್ನು ತಪ್ಪಾಗಿ ಬಳಸಿರುವ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.
ಆದೇಶ ಪತ್ರದಲ್ಲಿ ಪ್ರಸ್ತಾವನೆ ಎಂಬುದರ ನಡಾವಳಿ ಬದಲಿಗೆ 'ನಡವಳಿ', 'ಪ್ರಸತ್ತಾವನೆ', ಮೇಲೆ ಬದಲಿಗೆ 'ಮೇಲೇ', ಕರ್ನಾಟಕ ಪದ ಬಳಕೆ ಬದಲು 'ಕರ್ನಾಟಾ', ಆಡಳಿತ ಎನ್ನಲು 'ಆಡಳಿದ' ಅಲ್ಲದೆ, ಭಾಗ-1 ಎನ್ನುವುದನ್ನು 'ಬಾಗ-1' ಎಂದು ಬರೆದಿರುವುದು ಸರ್ಕಾರದ ಹಿರಿಯ ಅಧಿಕಾರಿಗಳ ವಿರುದ್ಧ ಆಕ್ರೋಶಕ್ಕೆ ಕಾರಣವಾಗಿದೆ. ಉತ್ತರ ಭಾರತದ ಅಧಿಕಾರಿಗಳು, ಹಿಂದಿ ಭಾಷೆಯ ಪ್ರಭಾವದಿಂದ ಈ ರೀತಿ ತಪ್ಪುಗಳು ಆಗುತ್ತಿವೆ ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ.