ಹುಬ್ಬಳ್ಳಿಗೆ ರೈಲ್ವೆ ನೇಮಕಾತಿ ಮಂಡಳಿ ಸ್ಥಳಾಂತರ ನಿರ್ಧಾರ: ಸ್ವಾಗತಾರ್ಹ ಎಂದು ಜೆಡಿಎಸ್​

ರೈಲ್ವೆ ನೇಮಕಾತಿ ಮಂಡಳಿಯನ್ನು ಹುಬ್ಬಳ್ಳಿಗೆ ಸ್ಥಳಾಂತರಿಸುವ ಸುರೇಶ್​ ಅಂಗಡಿ ಅವರ ನಿರ್ಧಾರ ಸ್ವಾಗತಾರ್ಹ ಎಂದು ಜೆಡಿಎಸ್ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ರಮೇಶ್ ಬಾಬು ಟ್ವೀಟ್​ ಮಾಡಿದ್ದಾರೆ.

ಬೆಂಗಳೂರು: ಕನ್ನಡಿಗರಿಗೆ ಉದ್ಯೋಗ ದೊರೆಯಲಿ ಎಂಬ ನಿಟ್ಟಿನಲ್ಲಿ ಕೇಂದ್ರ ಸಚಿವ ಸುರೇಶ್ ಅಂಗಡಿ ಕೈಗೊಂಡ ನಿರ್ಧಾರ ಸ್ವಾಗತಾರ್ಹ ಎಂದು ಜೆಡಿಎಸ್ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ರಮೇಶ್ ಬಾಬು ತಿಳಿಸಿದ್ದಾರೆ.

ಈ ಸಂಬಂಧ ಟ್ವೀಟ್ ಮಾಡಿರುವ ಅವರು, ಕನ್ನಡಿಗರಿಗೆ ಉದ್ಯೋಗ ದೊರೆಯಲಿ ಎಂದು ರೈಲ್ವೆ ನೇಮಕಾತಿ ಮಂಡಳಿ ಹುಬ್ಬಳ್ಳಿಗೆ ಸ್ಥಳಾಂತರಿಸುವ ಸುರೇಶ್ ಅಂಗಡಿ ನಿರ್ಧಾರ ಸ್ವಾಗತಾರ್ಹ.

ರಮೇಶ್ ಬಾಬು ಟ್ವೀಟ್​​

ಸಚಿವರು ಹೇಳಿಕೆಗೆ ಸೀಮಿತವಾಗದೇ ಅದನ್ನು ಜಾರಿಗೊಳಿಸಲಿ. ಮೊದಲ ಬಾರಿಗೆ ಮಹಾರಾಷ್ಟ್ರವಾದಿ ಸಚಿವರಿಂದ ರಾಜ್ಯದ ಪರವಾದ ಹೇಳಿಕೆ ಬಂದಿದ್ದು, ನಮ್ಮ ಬಿಜೆಪಿ ಸಂಸದರು ರಾಜ್ಯದ ಭಾಷೆ, ನೆಲ, ಜಲದ ಪರವಾಗಿರಲಿ ಎಂದು ಆಶಿಸಿದ್ದಾರೆ.