ಯುಗಾದಿ ಹೊಸ ತೊಡಕು: ಬೆಂಗಳೂರಲ್ಲಿ ಮಾಂಸ ಖರೀದಿ ಭರಾಟೆ

ಯುಗಾದಿ ಹಬ್ಬದ ಮಾರನೇ ದಿನ ಹೊಸ ತೊಡಕು ಆಚರಿಸಲಾಗುತ್ತದೆ. ಹೀಗಾಗಿ, ಬೆಂಗಳೂರಿನ ಮೈಸೂರು ರಸ್ತೆ ಪಾಪಣ್ಣ ಮಟನ್ ಸ್ಟಾಲ್ ಎದುರು ಬೆಳ್ಳಂಬೆಳಗ್ಗೆ ನೂರಾರು ಜನರು ಜಮಾಯಿಸಿದ್ದರು.

ಬೆಂಗಳೂರು: ಕೊರೊನಾ ವೈರಸ್‌ 2ನೇ ಅಲೆ ನಡುವೆಯೂ ಯುಗಾದಿ ಹಬ್ಬ ಸಂಭ್ರಮದಿಂದ ನಡೆದಿದೆ. ಇಂದು ಹೊಸ ತೊಡಕಿಗೆ ಗ್ರಾಹಕರು ಮಟನ್, ಚಿಕನ್ ಸ್ಟಾಲ್​ಗಳ ಮುಂದೆ ಸರತಿ ಸಾಲಲ್ಲಿ ನಿಂತಿದ್ದ ದೃಶ್ಯ ಕಂಡುಬಂತು.

ನಗರದ ಮೈಸೂರು ರಸ್ತೆ ಪಾಪಣ್ಣ ಮಟನ್ ಸ್ಟಾಲ್ ಎದುರು ಜನದಟ್ಟಣೆ ಕಂಡುಬಂತು. ಮಾಸ್ಕ್ ಧರಿಸಿ, 2 ಮೀಟರ್ ಅಂತರ ಕಾಯ್ದುಕೊಂಡು, ಬ್ಯಾಗ್ ಹಿಡಿದು ಮಟನ್​ ಖರೀದಿಗೆ ಜನರು ಸಾಲಾಗಿ ನಿಂತಿದ್ದರು.

ಅಂಗಡಿ ಸಿಬ್ಬಂದಿ ದೇಹದ ಉಷ್ಣತೆ ಪರೀಕ್ಷಿಸಿದ ಬಳಿಕವೇ ಮಟನ್ ಖರೀದಿಗೆ ಬಿಡುತ್ತಿದ್ದಾರೆ. ಜೊತೆಗೆ ಮಟನ್ ಸ್ಟಾಲ್ ಮುಂಭಾಗ ಮಾರ್ಕಿಂಗ್ ಮಾಡಿ, ಮಾಸ್ಕ್​ ಧರಿಸುವುದರ ಜೊತೆಗೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಮನವಿ ಮಾಡಿದ್ದಾರೆ.

ಇದನ್ನೂ ಓದಿ:ಬೆಂಗಳೂರು ಡಬಲ್​ ಮರ್ಡರ್​ ಪ್ರಕರಣ: ಆರೋಪಿ ಕಾಲಿಗೆ ಗುಂಡು ಹೊಡೆದ ಪೊಲೀಸರು