ಹೊಸ ವರ್ಷಾಚರಣೆ ವೇಳೆ ಡ್ರಗ್ ಮಾರಾಟಕ್ಕೆ ತಯಾರಿ: ಇಬ್ಬರ ಬಂಧನ

ಕ್ರಿಸ್‌ಮಸ್ ಮತ್ತು ಹೊಸ ವರ್ಷಾಚರಣೆ ಹಿನ್ನೆಲೆ, ಯುವಕ-ಯುವತಿಯರಿಗೆ ಮಾದಕ ವಸ್ತು ಮಾರಾಟ ಮಾಡಲು ತಯಾರಿ ನಡೆಸಿದ್ದ ಇಬ್ಬರು ಡ್ರಗ್​ ಪೆಡ್ಲರ್​ಗಳನ್ನು ಬೈಯಪ್ಪನಹಳ್ಳಿ ಪೊಲೀಸರು ಬಂಧಿಸಿದ್ದಾರೆ.

ಬೆಂಗಳೂರು:ಕ್ರಿಸ್‌ಮಸ್ ಮತ್ತು ಹೊಸ ವರ್ಷಾಚರಣೆ ಹಿನ್ನೆಲೆ, ಯುವಕ-ಯುವತಿಯರಿಗೆ ಮಾದಕ ವಸ್ತು ಮಾರಾಟ ಮಾಡಲು ತಯಾರಿ ನಡೆಸಿದ್ದ ಆರೋಪಿಗಳನ್ನು ಬಂಧಿಸುವಲ್ಲಿ ಬೈಯಪ್ಪನಹಳ್ಳಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಡೊಂಚುಕ್ಸ್ ಒಕೆಕೆ, ಸೆಲೆಸ್ಟೈನ್ ಅನುಗ್ವಾ ಬಂಧಿತರು. ಇವರು ನಗರದಾದ್ಯಂತ ಸಿಂಥೆಟಿಕ್ ಡ್ರಗ್ ಸಾಗಣೆ ಹಾಗೂ ಮಾರಾಟಕ್ಕೆ ಯತ್ನಿಸುತ್ತಿದ್ದರು. ಈ ಬಗ್ಗೆ‌ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪೂರ್ವ ವಿಭಾಗದ ಪೊಲೀಸರು, ಇಬ್ಬರನ್ನು ಬಂಧಿಸಿದ್ದಾರೆ.

ಬಂಧಿತ ಆರೋಪಿಗಳು ವಿದೇಶಿಗರಾಗಿದ್ದು, ಪಾಸ್​ಪೋರ್ಟ್, ವೀಸಾ ಹೊಂದದೆ ಬೆಂಗಳೂರಿನಲ್ಲಿ ಅಕ್ರಮವಾಗಿ ನೆಲೆಸಿದ್ದರು. ಹೊರ ದೇಶದಿಂದ ಮಾದಕ ವಸ್ತುಗಳನ್ನು ತರಿಸಿಕೊಂಡು ರಾಜ್ಯದಲ್ಲಿ ಮಾರಾಟ ಮಾಡುತ್ತಿದ್ದರು ಎಂಬ ಮಾಹಿತಿ ದೊರೆತಿದೆ.

ಪೊಲೀಸ್ ತನಿಖೆ ವೇಳೆ ಕ್ರಿಸ್‌ಮಸ್ ಮತ್ತು ಹೊಸ ವರ್ಷಾಚರಣೆ ಹಿನ್ನೆಲೆ, ಯುವಕ-ಯುವತಿಯರಿಗೆ ಮಾದಕ ವಸ್ತುಗಳಾದ ಎಂಡಿಎ ಟ್ಯಾಬ್ಲೆಟ್ ಮಾರಾಟ ಮಡುವ ಯೋಜನೆ ಹೊಂದಿರುವುದಾಗಿ ಹಾಗೂ ಡಾರ್ಕ್ ನೆಟ್ ಮೂಲಕ ಯುನೈಟೆಡ್ ಕಿಂಗ್​ಡಮ್​ನ ಲೀಡ್ಸ್‌​ನಿಂದ ಎಂಡಿಎ ಪಿಂಕ್ ಕಲ್ಲರ್ ಟ್ಯಾಬ್ಲೆಟ್ ತರಿಸುತ್ತಿದ್ದುದಾಗಿ ತಿಳಿಸಿದ್ದಾರೆ.

ಓದಿ:ಶಾಲೆಗಳ ಆರಂಭ ನಮಗೆ ಪ್ರತಿಷ್ಠೆ ವಿಷಯವಲ್ಲ : ಸಚಿವ ಸುರೇಶ್​ ಕುಮಾರ್

ಆರೋಪಿಗಳಿಂದ 1 ಕೋಟಿ ರೂ. ಮೌಲ್ಯದ 3,300 ಎಂಡಿಎಂ ಟ್ಯಾಬ್ಲೆಟ್, 600 ಗ್ರಾಂ ತೂಕದ ಎಂಡಿಎ ಪೌಡರ್​, ಟಯೋಟಾ ಕರೋಲಾ ಕಾರು ಹಾಗೂ 7 ಲಕ್ಷ ಮೌಲ್ಯದ ಗಾಂಜಾ ವಶಪಡಿಸಿಕೊಳ್ಳಲಾಗಿದೆ.