ಮತ್ತೆ ಮೂರು ಸಂಚಾರಿ ಪೊಲೀಸ್​ ಠಾಣೆ​​ಗಳ ಟ್ವಿಟರ್​​ ಖಾತೆ ಹ್ಯಾಕ್​​​​​

ಎರಡು ದಿನಗಳ ಹಿಂದೆ ಸಂಚಾರಿ ಪೊಲೀಸ್​ ಠಾಣೆಗಳ ಅಧಿಕೃತ ಟ್ವಿಟರ್​ ಖಾತೆಗಳನ್ನು ಹ್ಯಾಕ್​ ಮಾಡಿರುವ ಕಿಡಿಗೇಡಿಗಳಿಗಾಗಿ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

ಬೆಂಗಳೂರು:ಎರಡು ದಿನಗಳ ಹಿಂದೆಯಷ್ಟೇ ಜಯನಗರ ಸಂಚಾರಿ ಠಾಣೆ ಸೇರಿದಂತೆ ವಿವಿಧ ಠಾಣೆಗಳು ಬಳಸುವ ಅಧಿಕೃತ ಟ್ವಿಟರ್ ಖಾತೆಗಳನ್ನು ಹ್ಯಾಕ್ ಮಾಡಿದ್ದ ಕಿಡಿಗೇಡಿಗಳು ಇದೀಗ ಮತ್ತೆ‌ ಮೂರು ಪೊಲೀಸ್ ಸ್ಟೇಷನ್​​ಗಳ ಖಾತೆಗಳನ್ನು ಹ್ಯಾಕ್ ಮಾಡಿದ್ದಾರೆ.

ಈ ಬಾರಿ ಶಿವಾಜಿನಗರ ಹಾಗೂ ಒಲ್ಡ್ ಏರ್​ಪೋರ್ಟ್ ಹಾಗೂ ಕೆ.ಆರ್.ಪುರಂ ಸಂಚಾರಿ ಪೊಲೀಸ್ ಠಾಣೆಗಳ ಟ್ವಿಟರ್ ಖಾತೆ ಹ್ಯಾಕ್ ಮಾಡಿದ್ದಾರೆ. ಕಿಡಿಗೇಡಿಗಳ ಸುಪರ್ದಿಯಲ್ಲಿರುವ ಅಕೌಂಟ್​​ಗಳಿಂದ ಫೋನ್ ಪೇ ಹಾಗೂ ಒಲಾ ಕ್ಯಾಬ್ ಸೇರಿದಂತೆ ವಿವಿಧ ಕಂಪನಿಗಳ ಜಾಹೀರಾತು ಪೋಸ್ಟ್​ ಬರುತ್ತಿವೆ ಎನ್ನಲಾಗಿದೆ. ಈ ಸಂಬಂಧ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.