ಚಾಲಕನನ್ನು ಥಳಿಸಿದ ಅತ್ತಿಬೆಲೆ ಟೋಲ್ ಸಿಬ್ಬಂದಿ: ದೃಶ್ಯ ಸಿಸಿಟಿವಿಯಲ್ಲಿ ಸೆರೆ

ಬೆಂಗಳೂರು - ಹೊಸೂರು ರಾಷ್ಟ್ರೀಯ ಹೆದ್ದಾರಿಯ ಅತ್ತಿಬೆಲೆ ಟೋಲ್​ ಹೊಸದಾಗಿ ಹಾಕಿಸಿದ್ದ ಫಾಸ್ಟ್ ಟ್ಯಾಗ್ ರೀಡ್ ಆಗಿದ್ದು, ತುಸು ತಡವಾಗಿದ್ದಕ್ಕೆ ಇಡೀ ದಿನ ಸಿಬ್ಬಂದಿ ಹಾಗೂ ಚಾಲಕರ ನಡುವೆ ಗಲಾಟೆ ನಡೆದ ಘಟನೆ ಕಂಡುಬಂದಿತು.

ಆನೇಕಲ್: ಬೆಂಗಳೂರು - ಹೊಸೂರು ರಾಷ್ಟ್ರೀಯ ಹೆದ್ದಾರಿಯ ಅತ್ತಿಬೆಲೆ ಟೋಲ್​ ಹೊಸದಾಗಿ ಹಾಕಿಸಿದ್ದ ಫಾಸ್ಟ್ ಟ್ಯಾಗ್ ರೀಡ್ ಆಗಿದ್ದು, ತುಸು ತಡವಾಗಿದ್ದಕ್ಕೆ ಇಡೀ ದಿನ ಸಿಬ್ಬಂದಿ ಹಾಗೂ ಚಾಲಕರ ನಡುವೆ ಗಲಾಟೆ ನಡೆದ ಘಟನೆ ಕಂಡುಬಂದಿತು.

ಬೆಳಗ್ಗೆ ಹೊರಡುವಾಗ ಬೊಲೆರೋ ಪಿಕಪ್​ ವಾಹನವೊಂದು ಫಾಸ್ಟ್ ಟ್ಯಾಗ್ ರೀಡ್ ಆಗಿ ತಮಿಳುನಾಡಿನ ಕೃಷ್ಣಗಿರಿ ಕಡೆಗೆ ಹೊರಟು ಮತ್ತೆ ಅಲ್ಲಿಯೂ ಟೋಲ್​ನಲ್ಲಿ ರೀಡ್ ಆಗಿ ಮತ್ತೆ ಅತ್ತಿಬೆಲೆ ಟೋಲ್​ನಲ್ಲಿ ರೀಡ್ ಆಗುವುದು ತಡವಾಗಿದೆ. ಹೀಗಾಗಿ ಟೋಲ್ ಸಿಬ್ಬಂದಿ ಮತ್ತು ಚಾಲಕ ಹಾಗೂ ಆತನ ಸ್ನೇಹಿತರ ನಡುವೆ ಮಾತಿನ ಚಕಮಕಿ ನಡೆದಿದೆ. ಈ ವೇಳೆ ಟೋಲ್​ ಸಿಬ್ಬಂದಿ, ಚಾಲಕ ಮತ್ತು ಆತನ ಸ್ಮೇಹಿತರನ್ನು ಮನಸೋ ಇಚ್ಚೆ ಪೈಪ್​ಗಳಿಂದ ಥಳಿಸಿ ಗಾಯಗೊಳಿಸಿದ್ದಾರೆ. ಈ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ.

ಜಗದೀಶ್ ಪಿಕಪ್ ವಾಹನದ ಚಾಲಕ ಎಂದು ತಿಳಿದುಬಂದಿದೆ. ಗಲಾಟೆ ಹಿನ್ನೆಲೆ ಸ್ಥಳಕ್ಕೆ ವ್ಯಾಜ್ಯ ಚಾಲಕ ಸಂಘದ ಅಧ್ಯಕ್ಷ ಆಗಮಿಸಿ, ಪ್ರಕರಣ ದಾಖಲಾಗಲೇ ಬೇಕು ಎಂದು ಪಟ್ಟು ಹಿಡಿದರು. ಈ ಸಂಬಂಧ ಅತ್ತಿಬೆಲೆ ಪೊಲೀಸರು ಟೋಲ್ 7 ಜನ ಸಿಬ್ಬಂದಿ ಮೇಲೆ ಕೊಲೆ ಯತ್ನದ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.