ಬಂಧಿತ ಸುಶೀಲ್ ಮಂತ್ರಿಗೆ ಸಂಬಂಧಿಸಿದ 10 ಸ್ಥಳಗಳಲ್ಲಿ ಇಡಿ ದಾಳಿ

ಕೋರ್ಟಿನಿಂದ ಅನುಮತಿ ಪಡೆದು ಇಂದು ಬೆಳಗ್ಗೆ ಹೆಚ್ಚಿನ ಸಾಕ್ಷಿ ಕಲೆಹಾಕಲು ಮಂತ್ರಿ ಅವರಿಗೆ ಸಂಬಂಧಿಸಿದ ಕಚೇರಿ ಸೇರಿದಂತೆ 10 ಕಡೆ ಇಡಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ಬೆಂಗಳೂರು: ಅಕ್ರಮ‌ ಹಣ ವರ್ಗಾವಣೆ ಆರೋಪ ಸಂಬಂಧ ರಿಯಲ್‌ ಎಸ್ಟೇಟ್ ಉದ್ಯಮಿ ಸುಶೀಲ್‌ ಪಾಂಡುರಂಗ ಮಂತ್ರಿಯನ್ನು ಜಾರಿ ನಿದೇರ್ಶನಾಲಯ ಅಧಿಕಾರಿಗಳು ಬಂಧಿಸಿ 10 ದಿನಗಳ ಕಾಲ‌ ತಮ್ಮ ವಶಕ್ಕೆ ಪಡಿದಿದ್ದಾರೆ.

ಈ ನಡುವೆ ಸುಶೀಲ್ ಪಾಂಡುರಂಗ ಬಂಧನದ ಬಳಿಕ ನ್ಯಾಯಾಲಯದಿಂದ ಸರ್ಚ್ ವಾರೆಂಟ್ ಗೆ ಅನುಮತಿ ಪಡೆದುಕೊಂಡು ಇಂದು ಬೆಳಗ್ಗೆ ಅವರಿಗೆ ನಿವೇಶನ, ಫ್ಲ್ಯಾಟ್​, ವಿಠ್ಡಲ್ ಮಲ್ಯ ರಸ್ತೆಯಲ್ಲಿರುವ ಕಚೇರಿ ಸೇರಿದಂತೆ 10 ಕಡೆ ಇಡಿ ದಾಳಿ ನಡೆಸಿ ಪರಿಶೀಲನೆ ನಡೆಸುತ್ತಿದೆ.

ಸುಶೀಲ್ ಮೇಲಿರುವ ಆರೋಪಗಳ ಸಂಬಂಧ ಸಾಕ್ಷಿ ಕಲೆ ಹಾಕುವ ನಿಟ್ಟಿನಲ್ಲಿ ದಾಳಿ ನಡೆಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಇದನ್ನು ಓದಿ:ದುರಸ್ತಿ ಕಾರ್ಯ: ಸಿಲಿಕಾನ್ ಸಿಟಿಯ ಹಲವೆಡೆ ಮೂರು ದಿನ ಪವರ್ ಕಟ್!