ಮಂಡ್ಯ: ಪಕ್ಷೇತರ ಅಭ್ಯರ್ಥಿ ಸುಮಲತಾ ಅಂಬರೀಶ್ಗೆ ಮೊದಲ ಸಿಹಿ ಸಿಕ್ಕಿದೆ. ಯುಗಾದಿ ದಿನವೇ ಸೇವಾ ಮತದಾರರೊಬ್ಬರು ಸುಮಲತಾಗೆ ಮತ ಹಾಕುವ ಮೂಲಕ ಶುಭ ಕೋರಿರುವುದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸಿಆರ್ಪಿಎಫ್ ಯೋಧನ ಮತಪತ್ರವನ್ನು ಸುಮಲತಾ ಅಂಬರೀಶ್ ಅವರು ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಟ್ಯಾಗ್ ಮಾಡಿ, ಯೋಧನಿಗೆ ಧನ್ಯವಾದ ಅರ್ಪಿಸಿದ್ದಾರೆ.
ಶನಿವಾರ ಯೋಧರಿಗಾಗಿ ನಡೆದ ವಿಶೇಷ ಮತದಾನದ ವೇಳೆ ಮಂಡ್ಯ ಜಿಲ್ಲೆಯ ಸಿಆರ್ಪಿಎಫ್ ಯೋಧ ಆರ್. ನಾಯಕ್ ಅಂಚೆ ಮತದಾನ ಮಾಡಿ ಸುಮಲತಾಗೆ ಶುಭ ಕೋರಿದ್ದಾರೆ.
ಸುಮಲತಾಗೆ ನಾನು ವೋಟ್ ಮಾಡಿದ್ದೇನೆ, ಒಳ್ಳೆಯ ಲೀಡಿಂಗ್ನಿಂದ ಗೆಲ್ತಾರೆ. ಸುಮಲತಾರನ್ನು ಗೆಲ್ಲಿಸುವ ಮೂಲಕ ಮಂಡ್ಯದವರ ಸ್ವಾಭಿಮಾನ ತೋರಿಸಿ ಎಂದು ಯೋಧನ ಸಾಮಾಜಿಕ ಜಾಲತಾಣದಲ್ಲಿ ಫೋಸ್ಟ್ ಮಾಡಿದ್ದಾರೆ.
ಯೋಧ ತನಗೆ ಮತದಾನದ ಮಾಡಿರೋ ಪೋಸ್ಟ್ ಗಮನಿಸಿ, ಅದನ್ನು ರೆಬಲ್ ಸ್ಟಾರ್ ಪತ್ನಿ ಶೇರ್ ಮಾಡಿ ಧನ್ಯವಾದ ಅರ್ಪಿಸಿದ್ದಾರೆ. ನಿಮ್ಮ ಈ ಅಭಿಮಾನಕ್ಕೆ ಧಕ್ಕೆಯಾಗದ ರೀತಿ ಮಂಡ್ಯವನ್ನು ಬದಲಾವಣೆ ಮಾಡಿ ತೋರಿಸುವುದಾಗಿ ಸುಮಲತಾ ಭರವಸೆ ನೀಡಿದ್ದಾರೆ.