ಹಂತ ಹಂತವಾಗಿ ಆರ್ಥಿಕತೆಗೆ ಉತ್ತೇಜನೆ ನೀಡಿದ್ರೆ, ದೇಶದ ಸ್ಥಿತಿ ಸುಧಾರಿಸುತ್ತದೆ: ತಜ್ಞರ ಅಂಬೋಣ

ಕಳೆದ 3 ವಾರಗಳಿಂದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಆರ್ಥಿಕ ಸುಧಾರಣಾ ಕ್ರಮಗಳ ಘೋಷಣೆ ಮಾಡುತ್ತಿದ್ದಾರೆ. ಇಂದಿನ ಮಹತ್ವದ ಕಾರ್ಪೊರೇಟ್ ತೆರಿಗೆ ಸುಧಾರಣಾ ಕ್ರಮದಿಂದ ಷೇರುಪೇಟೆ 1000 ಅಂಕಗಳಷ್ಟು ಏರಿಕೆ ಕಂಡಿದೆ. ಈ ರೀತಿಯ 'ಬೂಸ್ಟರ್ ಡೋಸ್‌'ನಿಂದ ದೇಶದ ಆರ್ಥಿಕತೆ ವೃದ್ಧಿಸುತ್ತದೆ ಎಂದು ಆರ್ಥಿಕ ತಜ್ಞ ನಿತ್ಯಾನಂದ ಅಭಿಪ್ರಾಯಪಟ್ಟಿದ್ದಾರೆ.

ಬೆಂಗಳೂರು:ಕಳೆದ 3 ವಾರಗಳಿಂದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಆರ್ಥಿಕ ಸುಧಾರಣಾ ಕ್ರಮಗಳ ಘೋಷಣೆ ಮಾಡುತ್ತಿದ್ದಾರೆ. ಇಂದಿನ ಕಾರ್ಪೊರೇಟ್ ತೆರಿಗೆ ಸುಧಾರಣಾ ಕ್ರಮದಿಂದ ಷೇರುಪೇಟೆ 1000 ಅಂಕ ಏರಿಕೆ ಕಂಡಿದೆ. ಈ ರೀತಿಯ ಹಂತ ಹಂತದ ಸುಧಾರಣಾ ಕ್ರಮಗಳಿಂದ ದೇಶದ ಆರ್ಥಿಕತೆ ವೃದ್ಧಿಸುತ್ತದೆ ಎಂದು ಆರ್ಥಿಕ ತಜ್ಞ ನಿತ್ಯಾನಂದ ಅಭಿಪ್ರಾಯ ಪಟ್ಟಿದ್ದಾರೆ.

ಕೇಂದ್ರ ಸರ್ಕಾರ ಕಾರ್ಪೊರೇಟ್ ತೆರಿಗೆ ಕಡಿತ ಮಾಡಿರುವ ನಿರ್ಧಾರ ಸ್ವಾಗತಿಸಿರುವ ಆರ್ಥಿಕ ತಜ್ಞ ನಿತ್ಯಾನಂದ, ಶೇಕಡ 5ರಷ್ಟು ತೆರಿಗೆ ಕಡಿತ ಹಾಗೂ ಹೊಸ ಉದ್ಯಮಗಳಿಗೆ ತೆರಿಗೆ ಕಡಿತದಿಂದ ಸಂಸ್ಥೆಗಳಿಗೆ ಸಾಕಷ್ಟು ಉಪಯೋಗವಾಗಲಿದೆ. ಹೊಸ ಸಂಸ್ಥೆಗಳು ಈಗ 15% ತೆರಿಗೆ ಕಟ್ಟಬೇಕಾಗುತ್ತದೆ. ಇದರಿಂದ ಸಣ್ಣ ಕೈಗಾರಿಕೆಗಳು ಹೆಚ್ಚು ರಫ್ತು ಮಾಡುವ ಅವಕಾಶ ಇರುತ್ತದೆ. ಜೊತೆಗೆ ಉದ್ಯೋಗ ಸೃಷ್ಟಿಗೂ ಕೇಂದ್ರದ ನಡೆ ಪೂರಕವಾಗಿದೆ ಎಂದರು.