ಬೆಂಗಳೂರು :ನಾಗರಹಾವು ಹಾಗೂ ಶುಭಮಂಗಳ ಸಿನಿಮಾ ಖ್ಯಾತಿಯ ಹಿರಿಯ ನಟ ಶಿವರಾಮ್ ಆರೋಗ್ಯ ದಿನೇದಿನೆ ಕ್ಷೀಣಿಸುತ್ತಿದೆ. ಕಳೆದ ಮೂರು ದಿನಗಳಿಂದ ವಿದ್ಯಾಪೀಠ ವೃತ್ತದಲ್ಲಿರುವ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರೋ ಶಿವರಾಮ್ ಆರೋಗ್ಯ ಮತ್ತಷ್ಟು ಗಂಭೀರವಾಗಿದೆ.
ಶಿವರಾಮ್ ಆರೋಗ್ಯ ಕುರಿತು ವೈದ್ಯರು ಮಾಹಿತಿ ನೀಡಿರುವುದು..
ಶಿವರಾಮ್ ಅವರಿಗೆ ಚಿಕಿತ್ಸೆ ನೀಡುತ್ತಿರುವ ಡಾ.ಎಸ್ ಎನ್ ಮೋಹನ್ ಮಾತನಾಡಿ, ಪವಾಡ ಆಗುತ್ತೆ ಅಂತಾ ನಾವು ಕಾಯುತ್ತಿದ್ದೇವೆ. ಆದರೆ, ಅಂತಹ ಯಾವುದೇ ಪವಾಡ ಆಗುತ್ತಿಲ್ಲ ಎಂದು ತಮ್ಮ ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ. ಈಗ ನಿಮ್ಮ ಮುಂದೆ ನಿಂತು ಮಾತಾಡೋಕು ಕಷ್ಟ ಆಗುತ್ತಿದೆ.
ಶಿವರಾಮ್ ಅವರ ಕಿಡ್ನಿ, ಲಿವರ್ ವರ್ಕ್ ಆಗ್ತಿದೆ. ಆದರೆ, ಹಾರ್ಟ್ ವರ್ಕ್ ಆಗುತ್ತಿಲ್ಲ. ಅವರು ತುಂಬಾ ಹೊತ್ತು ನಮ್ಮ ಜೊತೆ ಇರಲ್ಲ ಅನ್ನೋದನ್ನು ಹೇಳಲು ಕಷ್ಟ ಆಗುತ್ತಿದೆ ಎಂದು ಕಣ್ಣೀರಿಟ್ಟಿದ್ದಾರೆ.