ಬೆಂಗಳೂರು: ಮಾಜಿ ಗೃಹ ಸಚಿವ ಕೆ.ಜೆ.ಜಾರ್ಜ್ ತೆರಿಗೆ ವಂಚಿಸಿದ್ದಾರೆ ಎಂದು ಈಗಾಗಲೇ ಜಾರಿ ನಿರ್ದೇಶನಾಲಯಕ್ಕೆ ದೂರು ನೀಡಿದ್ದ ಕರ್ನಾಟಕ ರಾಷ್ಟ್ರ ಸಮಿತಿ ಅಧ್ಯಕ್ಷ ರವಿಕೃಷ್ಣರೆಡ್ಡಿ, ಇದೀಗ ಮತ್ತೆ 20 ಪುಟಗಳ ದಾಖಲೆಗಳನ್ನು ಇಡಿ ಅಧಿಕಾರಿಗಳಿಗೆ ಸಲ್ಲಿಸಿದ್ದಾರೆ.
ಕೆ.ಜೆ.ಜಾರ್ಜ್ ವಿರುದ್ಧ ಇಡಿಗೆ 20 ಪುಟಗಳ ದಾಖಲೆ ಸಲ್ಲಿಸಿದ ರವಿಕೃಷ್ಣರೆಡ್ಡಿ
ದಾಖಲೆ ಸಲ್ಲಿಸಿ ಮಾತನಾಡಿದ ರವಿಕೃಷ್ಣಾರೆಡ್ಡಿ, 10 ರಿಂದ 15 ವರ್ಷಗಳ ಕಾಲ ಕೆ.ಜೆ.ಜಾರ್ಜ್ ಅವರ ವ್ಯವಹಾರಗಳ ದಾಖಲೆ ಕಲೆ ಹಾಕಲಾಗಿದೆ. ತೆರಿಗೆ ಕಳ್ಳತನ ಮಾಡಿರುವುದು ದಾಖಲೆಯಲ್ಲಿ ಮಾಹಿತಿಯಿದೆ. ಸಲ್ಲಿಕೆ ಮಾಡಿರುವ ದಾಖಲೆಗಳ ಆಧಾರದ ಮೇಲೆ ಇಡಿ ತನಿಖೆ ಮಾಡಬೇಕಿದೆ. ನಾವು ಕೊಟ್ಟ ದಾಖಲೆಗಳಲ್ಲಿ ಸತ್ಯಾಂಶವಿದೆ ಎಂದರು.