ವಿಡಿಯೋ ಮಾತ್ರವಲ್ಲ, ವಿಡಿಯೋದಲ್ಲಿನ ಆಡಿಯೋ ಕೂಡಾ ವಿವಾದಗ್ರಸ್ಥವೇ.!

ಜಲಸಂಪನ್ಮೂಲ ಸಚಿವ ರಮೇಶ್ ಜಾರಕಿಹೊಳಿಯರದ್ದು ಎನ್ನಲಾದ ಅಶ್ಲೀಲ ವಿಡಿಯೋದಲ್ಲಿ ವಿವಾದಾತ್ಮಕ ಸಂಭಾಷಣೆಗಳು ಸೆರೆಯಾಗಿವೆ.

ಬೆಂಗಳೂರು:ಸಚಿವ ರಮೇಶ್ ಜಾರಕಿಹೊಳಿಯವರದ್ದು ಎನ್ನಲಾದ ವಿಡಿಯೋದಲ್ಲಿ ಹಲವಾರು ವಿವಾದಾತ್ಮಕ ಸಂಭಾಷಣೆಗಳು ಸೆರೆಯಾಗಿದ್ದು, ರಾಜ್ಯ ರಾಜಕೀಯದಲ್ಲಿ ಮತ್ತಷ್ಟು ಬಿರುಗಾಳಿ ಎಬ್ಬಿಸುವ ಸಾಧ್ಯತೆಯಿದೆ.

ಸಂತ್ರಸ್ತೆ ಜೊತೆಗಿನ ಸಚಿವ ರಮೇಶ್ ಜಾರಕಿಹೊಳಿಯವರದ್ದು ಎನ್ನಲಾದ ಸಂಭಾಷಣೆಯಲ್ಲಿ ಸಿಎಂ ಯಡಿಯೂರಪ್ಪರನ್ನು ಭ್ರಷ್ಟಾಚಾರಿ, ಮಾಜಿ ಸಿಎಂ ಸಿದ್ದರಾಮಯ್ಯರನ್ನು ಒಳ್ಳೆಯ ವ್ಯಕ್ತಿ ಎಂದು ಹೇಳಿರುವ ಸಂಭಾಷಣೆ ಸೆರೆಯಾಗಿದೆ.

ಇದನ್ನೂ ಓದಿ:ರಾಸಲೀಲೆ ವಿಡಿಯೋ ಫೇಕ್, ಈ ಬಗ್ಗೆ ಸಮಗ್ರ ತನಿಖೆಯಾಗಲಿ: ಸಚಿವ ರಮೇಶ್ ಜಾರಕಿಹೊಳಿ

ಸಿದ್ದರಾಮಯ್ಯ ಚಲೋ ಆಗಿದ್ದಾರೆ. ಯಡಿಯೂರಪ್ಪ ಬಹಳ ಕರಪ್ಷನ್ ಮಾಡಿದ್ದಾರೆ ಎಂದು ಹೇಳುತ್ತಿರುವುದು. ಜತೆಗೆ ಮರಾಠಿಗರ ಬಗ್ಗೆಯೂ ಮಾತನಾಡಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.

ಇಷ್ಟೇ ಅಲ್ಲ ಮಾಧ್ಯಮಗಳ ಕುರಿತು ಈ ವಿಡಿಯೋದಲ್ಲಿ ಕೆಟ್ಟದಾಗಿ ಮಾತಾಡಿದ್ದಾರೆ ಎನ್ನಲಾಗಿದೆ.