ಬೆಂಗಳೂರು: ರಾಜ್ಯ ಸರ್ಕಾರದ ವಿರುದ್ಧ ತಮ್ಮ ಆಕ್ರೋಶ ಮುಂದುವರಿಸಿರುವ ಪ್ರಿಯಾಂಕ್ ಖರ್ಗೆ ಟ್ವೀಟ್ ವಾರ್ ನಡೆಸಿದ್ದಾರೆ. ಸರಣಿ ಟ್ವೀಟ್ ಮಾಡಿರುವ ಅವರು, ಗೃಹ ಸಚಿವ ಆರಗ ಜ್ಞಾನೇಂದ್ರ ಸದನದಲ್ಲಿ, ಎಂಎಲ್ಸಿ ಎಸ್.ರವಿಯವರು ದಿನಾಂಕ ಕೇಳಿದ್ದ ಚುಕ್ಕೆ ಗುರುತಿಲ್ಲದ ಪ್ರಶ್ನೆ ಸಂಖ್ಯೆ: 1438ಗೆ ನೀಡಿದ್ದ ಅಧಿಕೃತ ಉತ್ತರದಲ್ಲಿ 'ಪಿಎಸ್ಐ ಪರೀಕ್ಷೆಯಲ್ಲಿ ಯಾವುದೇ ಅಕ್ರಮ ನಡೆದಿಲ್ಲ, ಹಿರಿಯ ಪೊಲೀಸ್ ಅಧಿಕಾರಿಗಳು ವರದಿ ನೀಡಿದ್ದಾರೆ' ಎಂದು ಸುಳ್ಳು ಹೇಳಿದ್ದು ಯಾಕೆ? ಎಂದು ಪ್ರಶ್ನಿಸಿದ್ದಾರೆ.
2022ರ ಮಾ. 10ರಂದು ಪ್ರಶ್ನೆ ಕೇಳಿದ್ದ ರವಿಕುಮಾರ್ ಅವರಿಗೆ ನೀವು ಸುಳ್ಳು ಉತ್ತರ ಕೊಟ್ಟಿದ್ದೀರಿ. ಅಂದು ನೀವು ಉಲ್ಲೇಖಿಸಿದ್ದ ವರದಿ ಕುರಿತು ಪಂಚ ಪ್ರಶ್ನೆ ಕೇಳಬಯಸುತ್ತೇನೆ.
- ನೇಮಕಾತಿ ಅಕ್ರಮದ ವರದಿಯಲ್ಲೇನಿದೆ?.
- ಈ ವರದಿ ಕೊಟ್ಟ ಅಧಿಕಾರಿಗಳು ಯಾರು?.
- ಆ ವರದಿಯನ್ನ ಈವರೆಗೂ ಸಿಐಡಿಗೆ ಸಲ್ಲಿಸಿಲ್ಲವೇಕೆ?
- ಆ ಅಧಿಕಾರಿಗಳನ್ನ ರಕ್ಷಿಸಲು ಪಡೆಯುತ್ತಿರುವ ಕಮಿಷನ್ ಎಷ್ಟು?.
- ನಿಮಗೆ ಅಧಿಕಾರಿಗಳು ಸುಳ್ಳು ಹೇಳಿದ್ದರೇ?, ಇಲ್ಲಾ ನೀವೇ ಸದನದಲ್ಲಿ ಸುಳ್ಳು ಹೇಳಿದ್ದೀರಾ? ಎಂದು ಕೇಳಿದ್ದಾರೆ.