ಹೊಸ ತೊಡಕು: ಬೆಂಗಳೂರಿನ ಮಾಂಸದಂಗಡಿಗಳ ಎದುರು ಜನವೋ ಜನ

ನಗರದಲ್ಲಿ ಯುಗಾದಿ ಹೊಸ ತೊಡಕು ಮಾಂಸ ಖರೀದಿ ಭರಾಟೆ ಜೋರಾಗಿದೆ. ಬೆಳಗಿನ ಜಾವ 3 ಗಂಟೆಯಿಂದಲೇ ಮಟನ್ ಶಾಪ್​​ಗಳ ಮುಂದೆ ಜನರು ಖರೀದಿಗೆ ಮುಗಿಬಿದ್ದರು.

ಬೆಂಗಳೂರು: ಯುಗಾದಿ ಹೊಸ ತೊಡಕು ವೇಳೆ ಮಟನ್ ಬಿರಿಯಾನಿ, ಮಟನ್ ಸಾಂಬಾರ್​​ ಸವಿಯಲು ಭರ್ಜರಿ ತಯಾರಿ ನಡೆಯುತ್ತಿದೆ. ಬೆಳಗ್ಗಿನಿಂದಲೇ ಬೆಂಗಳೂರು ಹೊರವಲಯದ ಹಲವೆಡೆ ಮಟನ್ ಖರೀದಿಸಲು ಜನ ಸೇರಿದ್ದರು. ಕೆ.ಆರ್.ಪುರ, ಆವಲಹಳ್ಳಿ, ಮೇಡ ಹಳ್ಳಿ, ಹೊಸಕೋಟೆ ಸೇರಿದಂತೆ ಹಲವೆಡೆ ಮಟನ್ ಶಾಪ್​ಗಳ ಮುಂದೆ ಜನರು ಸರತಿ ಸಾಲಿನಲ್ಲಿ ನಿಂತಿದ್ದಾರೆ. ಮತ್ತೆ ಕೆಲವು ಕಡೆ ಗುಂಪು ಗುಂಪಾಗಿ ಮಟನ್-ಚಿಕನ್ ಖರೀದಿಸಲು ನಿಂತಿದ್ದಾರೆ.

ಪ್ರತಿ ವರ್ಷ ಮಧ್ಯರಾತ್ರಿಯಿಂದಲೇ ವ್ಯಾಪಾರ ಆರಂಭಿಸುವ ಆವಲಹಳ್ಳಿ ಮಟನ್​ ಶಾಪ್​ ಗ್ರಾಹಕರಿಂದ ತುಂಬಿ ತುಳುಕುತ್ತಿತ್ತು. ಇಲ್ಲಿ ಬೆಳಗಿನ ಜಾವ 3 ಗಂಟೆಯಿಂದಲೇ ಮಾಂಸ ಖರೀದಿಸಲು ಜನ ಮುಗಿಬಿದ್ದಿದ್ದಾರೆ. ಉಳಿದಂತೆ ಎಲ್ಲಾ ಮಟನ್, ಚಿಕನ್, ಪೊರ್ಕ್, ಫಿಶ್ ಶಾಪ್‌ಗಳು ಬೆಳಗ್ಗೆ 4 ಗಂಟೆಯಿಂದ ವ್ಯಾಪಾರ ಶುರು ಮಾಡಿವೆ.

ಅಡ್ಡಾದಿಡ್ಡಿ ವಾಹನ ಪಾರ್ಕಿಂಗ್​​: ಮಾಂಸ ಖರೀದಿಸುವ ಭರಾಟೆಯಲ್ಲಿ ಜನರು ವಾಹನಗಳನ್ನು ರಸ್ತೆಯಲ್ಲಿ ಅಡ್ಡಾದಿಡ್ಡಿ ನಿಲ್ಲಿಸಿದ್ದು, ಆವಲಹಳ್ಳಿಯಲ್ಲಿ ಕೆಲಕಾಲ ಸ್ಲೋ ಮೂವಿಂಗ್ ಟ್ರಾಫಿಕ್ ಉಂಟಾಗಿತ್ತು. 1 ಕೆ.ಜಿಗೆ 650- 700 ರೂ.ಇದ್ದ ಮಟನ್ ದರ ಹೊಸ ತೊಡಕು ಹಿನ್ನೆಲೆಯಲ್ಲಿ 700-750 ರೂಪಾಯಿಗೆ ಏರಿಕೆಯಾಗಿದೆ.

ಇದನ್ನೂ ಓದಿ:ಯುಗಾದಿಯ ಹೊಸ ತೊಡಕು: 'ಪಾಪಣ್ಣ ಮಟನ್ ಸ್ಟಾಲ್' ಮುಂದೆ ಗ್ರಾಹಕರ ಸಾಲು