'ಕದಿರೇಶ್‌ ಅವರನ್ನು ಕೊಲೆಗೈದವರೇ ರೇಖಾ ಅವರನ್ನೂ ಕೊಲೆ ಮಾಡಿರುವ ಅನುಮಾನವಿದೆ'

ರೇಖಾ ಕದಿರೇಶ್ ಅವರ ಪತಿ ಕದಿರೇಶ್ ಅವ​ರನ್ನು ಕೊಲೆ ಮಾಡಿದವರೇ ಜೈಲಿನಿಂದ ಬಿಡುಗಡೆಯಾದ ನಂತರ ರೇಖಾ ಅವರನ್ನೂ ಕೊಲೆ ಮಾಡಿರುವ ಅನುಮಾನವಿದೆ. ಈ ಘಟನೆಯ ಹಿಂದೆ ಯಾರ್ಯಾರ ಕೈವಾಡವಿದೆಯೋ ಅವರ ವಿರುದ್ದ ಕ್ರಮ ಆಗಬೇಕು ಎಂದು ಸಚಿವ ಆರ್.ಅಶೋಕ್ ಹೇಳಿದರು.

ಬೆಂಗಳೂರು: ಬಿಜೆಪಿ ಮಾಜಿ ಕಾರ್ಪೋರೇಟರ್ ರೇಖಾ ಕದಿರೇಶ್ ಕೊಲೆ ಪಕ್ಷಕ್ಕೂ, ನಮಗೂ ನೋವು ತಂದಿದೆ ಎಂದು ಕಂದಾಯ ಸಚಿವ ಆರ್.ಅಶೋಕ್ ಹೇಳಿದರು.

ವಿಧಾನಸೌಧದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರೇಖಾ ಕದಿರೇಶ್ ಅವರ ಪತಿ ಕದಿರೇಶ್​ರನ್ನು ಕೊಲೆ ಮಾಡಿದವರೇ ಜೈಲಿನಿಂದ ಬಿಡುಗಡೆಯಾದ ನಂತರ ರೇಖಾ ಅವರನ್ನೂ ಕೊಲೆ ಮಾಡಿರುವ ಅನುಮಾನವಿದೆ. ಇದು ಅಮಾನವೀಯ. ಕೊಲೆ ಹಿಂದೆ ಕುಟುಂಬದವರ ಕೈವಾಡ ಇದೆಯೋ, ಇಲ್ಲವೋ ಅಂತ ಗೊತ್ತಿಲ್ಲ. ಜೈಲಿಂದ ಬಿಡುಗಡೆಯಾದವರು ಕೊಲೆ ಮಾಡಿರಬಹುದು ಅಂತ ಹೇಳಲಾಗ್ತಿದೆ.

ಪೊಲೀಸ್ ಆಯುಕ್ತರ ಜೊತೆಗೆ ಸಿಎಂ ಮಾತನಾಡಿ ಕ್ರಮ ತೆಗೆದುಕೊಳ್ಳಲು ಸೂಚನೆ ಕೊಟ್ಟಿದ್ದಾರೆ. ಘಟನೆಯ ಹಿಂದೆ ಯಾರ್ಯಾರ ಕೈವಾಡವಿದೆಯೋ ಅವರ ವಿರುದ್ದ ಕ್ರಮ ಆಗಬೇಕು. ದೇವರು ಅವರ ಕುಟುಂಬಕ್ಕೆ ಈ ಸಾವಿನ ನೋವು ಭರಿಸುವ ಶಕ್ತಿ ಕೊಡಲಿ ಸಚಿವ ಅಶೋಕ್ ಹೇಳಿದರು.

ಇದನ್ನೂ ಓದಿ:ಹಂತಕರ​ ಸ್ಕೆಚ್​.. ಕಚೇರಿಯ ಸಿಸಿಟಿವಿ ಮೇಲಕ್ಕೆ ತಿರುಗಿಸಿ ಮಾಜಿ ಕಾರ್ಪೊರೇಟರ್ ಹತ್ಯೆಗೆ ಫಿಕ್ಸ್​ ಆಗಿತ್ತಾ ಮುಹೂರ್ತ!?