ಬೆಂಗಳೂರು :ರಾಜ್ಯದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ ಲಕ್ಷ ದಾಟಿದರೂ ಸದ್ಯ ಬಹುತೇಕ ಸೋಂಕಿತರು ಮನೆಯ ಆರೈಕೆಯಲ್ಲೇ ಗುಣಮುಖರಾಗುತ್ತಿದ್ದಾರೆ. ಕಡಿಮೆ ರೋಗದ ಲಕ್ಷಣಗಳನ್ನು ಹೊಂದಿರುವವರು ಬಹುತೇಕ ಸೋಂಕಿತರು ಹೋಂ ಐಸೋಲೇಷನ್ ಅನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ.
ಹೋಂ ಐಸೋಲೇಷನ್ ಕೋವಿಡ್‌ ಸೋಂಕಿತರಿಗೆ ಮೆಡಿಸಿನ್ ಕಿಟ್ ; ಔಷಧಿಗಳ ಪಟ್ಟಿ ಇಲ್ಲಿದೆ ಇತ್ತ ಆರೋಗ್ಯಾಧಿಕಾರಿಗಳು ಇದಕ್ಕೆ ಹೆಚ್ಚು ಒತ್ತು ಕೊಟ್ಟಿದ್ದು, ಹೋಂ ಐಸೋಲೇಷನ್ ಸೋಂಕಿತರ ಮೇಲೆ ಹೆಚ್ಚಿನ ನಿಗಾ ವಹಿಸಲಾಗುತ್ತಿದೆ. ಹೀಗಾಗಿ, ಹೋಂ ಐಸೋಲೇಷನ್ ರೋಗಿಗಳಿಗೆ ಪ್ರತ್ಯೇಕ ಕಿಟ್ ನೀಡಲು ತಯಾರಿ ನಡೆದಿದೆ. ಪ್ರಮುಖವಾಗಿ 6 ಮೆಡಿಸನ್‌ಗಳನ್ನು ಹೊಂದಿರೋ ಐಸೋಲೇಷನ್ ಕಿಟ್‌ಗಳ ತಯಾರಿಯನ್ನ ಆರೋಗ್ಯ ಇಲಾಖೆ ಮಾಡಿದೆ.
ತಜ್ಞರ ಸಲಹೆ ಮೇರೆಗೆ 6 ಮೆಡಿಸಿನ್ ಬಳಸಲು ನಿರ್ಧಾರ ಮಾಡಲಾಗಿದೆ. 5 ಮಾತ್ರೆಗಳು ಹಾಗೂ ಒಂದು ಕಫ್ ಸಿರಪ್ ನೀಡಲು ನಿರ್ಧಾರಿಸಲಾಗಿದೆ. ಸೀಸನ್ ಫ್ಲ್ಯೂ ಇರುವುದರಿಂದ ಹಾಗೂ ಸೋಂಕಿತರಲ್ಲಿ ಹೆಚ್ಚು ನೆಗಡಿ, ಕೆಮ್ಮು ಹೆಚ್ಚಾಗಿ ಕಂಡು ಬರ್ತಿರೋ ಹಿನ್ನೆಲೆ ಕಾಫ್ ಸಿರಪ್ ನೀಡಲು ನಿರ್ಧಾರ ಮಾಡಲಾಗಿದೆ. ಹಾಗಾದ್ರೆ, ತಜ್ಞರು ಸೂಚಿಸಿರೋ ಆ ಆರು ಔಷಧಿಗಳು ಯಾವುವು? ಎಷ್ಟು ಕೊಡ್ತಾರೆ ಏನೆಲ್ಲ ಇರಲಿದೆ ಕಿಟ್‌ನಲ್ಲಿ ಎನ್ನುವುದರ ಕುರಿತು ಮಾಹಿತಿ ಇಲ್ಲಿದೆ.
ಔಷಧಿ-ಪ್ರಮಾಣ
1. ಪ್ಯಾರಾಸಿಟಮಾಲ್ 500mg - 20ಮಾತ್ರೆ
2. ವಿಟಮಿನ್ ಸಿ 500mg - 10 ಮಾತ್ರೆ
3. ಝಿಂಕ್ ಸೆಟ್ 50mg - 5 ಮಾತ್ರೆ
4. ಲೆವೋಟ್ರೈಸೈನ್ 10mg - 5 ಮಾತ್ರೆ
5. ಪಾಂಟಪ್ರೋಝೇಲ್ 40mg - 5 ಮಾತ್ರೆ
6. ಆ್ಯಂಟಿ- ಟುಸಿವ್ ಕಾಫ್ ಸಿರಪ್- 1 ಬಾಟಲ್
7. ಮೆಡಿಸನ್‌ಗಳ ಜೊತೆ ಮೂರು ಲೇಯರ್ ಇರುವ 10 ಫೇಸ್ ಮಾಸ್ಕ್ ಹಾಗೂ 50Mlನ ಸ್ಯಾನಿಟೈಸರ್ ಬಾಟಲ್ ನೀಡಲಿದ್ದಾರೆ.
ಇದೆಲ್ಲವನ್ನ ಒಬ್ಬ ರೋಗಿಗೆ 5 ದಿನಗಳಿಗೆ ಮಾತ್ರ ನೀಡಲಾಗುತ್ತೆ. ಒಂದು ವೇಳೆ ಹೋಂ ಐಸೋಲೇಷನ್‌ನಲ್ಲಿ ಗುಣಮುಖರಾಗಿಲ್ಲ ಅಂದರೆ ಸ್ಥಳೀಯ ಆಸ್ಪತ್ರೆಗೆ ದಾಖಲು ಆಗಬಹುದಾಗಿದೆ.
ಇದನ್ನೂ ಓದಿ:ಮಹಾರಾಷ್ಟ್ರ ಗಡಿಯಲ್ಲಿ ಬಿಗಿ ಭದ್ರತೆ: ಗಲಾಟೆ ಮಾಡಿ ಕರ್ನಾಟಕ ಪ್ರವೇಶ ಮಾಡುತ್ತಿರುವ ಪ್ರಯಾಣಿಕರು
