ಬೆಂಗಳೂರು: ಯುದ್ಧಪೀಡಿತ ಉಕ್ರೇನ್ನಲ್ಲಿ 693 ಮಂದಿ ಕನ್ನಡಿಗರು ಸಿಲುಕಿದ್ದು, ಈವರೆಗೆ 149 ಮಂದಿ ತಾಯ್ನಾಡಿಗೆ ಮರಳಿದ್ದಾರೆ ಎಂದು ನೋಡಲ್ ಅಧಿಕಾರಿ ಮನೋಜ್ ರಾಜನ್ ತಿಳಿಸಿದ್ದಾರೆ. ಬೆಂಗಳೂರಿನಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಈವರೆಗೆ ಸಿಕ್ಕ ಮಾಹಿತಿ ಪ್ರಕಾರ 693 ಜನ ಕನ್ನಡಿಗರು ಉಕ್ರೇನ್ನಲ್ಲಿ ಸಿಲುಕಿದ್ದಾರೆ.
11 ಬ್ಯಾಚ್ ನಲ್ಲಿ 63 ಜನ ಕನ್ನಡಿಗರು ಇಂದು ತವರಿಗೆ ಬರಲಿದ್ದಾರೆ. ಇಂದು ಒಂದೇ ದಿನ 63 ಜನ ಬರುತ್ತಿದ್ದಾರೆ. ನಾಳೆ 16 ವಿಮಾನಗಳ ಮೂಲಕ ವಿದ್ಯಾರ್ಥಿಗಳು ಬರುತ್ತಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ. ಬುಧವಾರ ಒಂದು ತುರ್ತು ಮೆಸೇಜ್ ನೀಡಲಾಗಿತ್ತು. ಅದರಂತೆ ಅವರೆಲ್ಲಾ ಒಂದು ಜಾಗಕ್ಕೆ ಹೋಗಿ ತಲುಪಿದ್ದಾರೆ. ಈವರೆಗೆ ಒಟ್ಟು 149 ಮಂದಿ ವಿದ್ಯಾರ್ಥಿಗಳು ಮರಳಿದ್ದಾರೆ. ಇಂದು ಸಂಜೆ 6.30ಕ್ಕೆ ಬೆಂಗಳೂರಿಗೆ ಒಂದು ವಿಮಾನ ಬರಲಿದೆ ಎಂದು ವಿವರಿಸಿದರು.
ನೋಡಲ್ ಅಧಿಕಾರಿ ಮನೋಜ್ ರಾಜನ್