ರಾಜ್ಯದಲ್ಲಿಂದು 529 ಸೋಂಕಿತರು ಕೋವಿಡ್​​ಗೆ ಬಲಿ.. 57 ಸಾವಿರ ಮಂದಿ ಡಿಸ್ಚಾರ್ಜ್

ಕರ್ನಾಟಕದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಇಳಿಕೆಯಾಗುತ್ತಿದೆ. ಇಂದು 25,311 ಮಂದಿಗೆ ಸೋಂಕು ತಗುಲಿದ್ದು, 529 ಜನ ಬಲಿಯಾಗಿದ್ದಾರೆ. 57, 333 ಮಂದಿ ವಿವಿಧ ಆಸ್ಪತ್ರೆಗಳಿಂದ ಡಿಸ್ಚಾರ್ಜ್​ ಆಗಿದ್ದಾರೆ.

ಬೆಂಗಳೂರು: ರಾಜ್ಯದಲ್ಲಿಂದು ಕೂಡ ಸೋಂಕಿತರ ಸಂಖ್ಯೆ ಇಳಿಕೆಯಾಗಿದೆ.‌ 25,311 ಮಂದಿಗೆ ಕೋವಿಡ್ ಸೋಂಕು ದೃಢಪಟ್ಟಿದ್ದು, ಈ ಮೂಲಕ ಸೋಂಕಿತರ ಸಂಖ್ಯೆ 24,50,215ಕ್ಕೆ ಏರಿಕೆ ಆಗಿದೆ.

ಕೋವಿಡ್​​ಗೆ 529 ಸೋಂಕಿತರು ಇಂದು ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 25,811ಕ್ಕೆ ಏರಿದೆ. 57,333 ಮಂದಿ ಡಿಸ್ಚಾರ್ಜ್ ಆಗಿದ್ದು, ಈವರೆಗೆ 19,83,948 ಜನರು ಗುಣಮುಖರಾಗಿದ್ದಾರೆ. ಸಕ್ರಿಯ ಪ್ರಕರಣಗಳು ನಿಧಾನಗತಿಯಲ್ಲಿ ಇಳಿಕೆಯಾಗ್ತಿದ್ದು, ಸದ್ಯ 4,40,435 ಕೇಸ್​ಗಳು ಇವೆ.

ರಾಜ್ಯದಲ್ಲಿ ಸೋಂಕಿತರ ಪ್ರಕರಣಗಳು ಶೇಕಡವಾರು ಪ್ರಮಾಣ ಶೇ.23.28 ರಷ್ಟು, ಸಾವಿನ‌ ಶೇಕಡವಾರು ಪ್ರಮಾಣ ಶೇ.2.09 ರಷ್ಟು‌ ಇದೆ.‌