ಸಿನಿ ಕಾರ್ಮಿಕರ ನೆರವಿಗೆ ಬಂದ ಇನ್ಫೋಸಿಸ್ ಫೌಂಡೇಶನ್: 3700 ಮಂದಿಗೆ ಆಹಾರ ಕಿಟ್​ ವಿತರಣೆ

ತಮ್ಮ ಸಾಮಾಜಿಕ ಕಳಕಳಿಯಿಂದ ಸದಾ ಜನರ ನೋವಿಗೆ ಆಸರೆಯಾಗುತ್ತಿರುವ ಇನ್ಫೋಸಿಸ್ ಫೌಂಡೇಶನ್ ಸದ್ಯ ಸಿನಿ ಕಾರ್ಮಿಕರ ಕಷ್ಟಕ್ಕೆ ಸ್ಪಂದಿಸಿದೆ. ಚಿತ್ರರಂಗದ ಸುಮಾರು 3700 ಕಾರ್ಮಿಕರಿಗೆ ದಿನಸಿ ಕಿಟ್​ ನೀಡುವ ಮೂಲಕ ಆಸರೆಯಾಗಿದೆ.

ಬೆಂಗಳೂರು: ಸದಾ ಜನ ಸಾಮಾನ್ಯರ ನೋವಿಗೆ ಸ್ಪಂದಿಸುತ್ತ ಬಂದಿರುವ ಇನ್ಫೋಸಿಸ್ ಫೌಂಡೇಶನ್​​, ಸದ್ಯ ಲಾಕ್​ಡೌನ್​ನಿಂದಾಗಿ ಕಳೆದ 26 ದಿನಗಳಿಂದ ಕೆಲಸ ಇಲ್ಲದೆ ಮನೆಯಲ್ಲಿರುವ ಚಿತ್ರರಂಗದ 3700 ಸಿನಿ ಕಾರ್ಮಿಕರಿಗೆ ದಿನಸಿ ಕಿಟ್ ನೀಡುವ ಮೂಲಕ ಮಾನವೀಯತೆ ತೋರಿದೆ.

ಇಂದು ಬನಶಂಕರಿಯ ನಾಗಲಕ್ಷಿ ಕಲ್ಯಾಣ ಮಂಟಪದ ಬಳಿ ಇನ್ಫೋಸಿಸ್ ಫೌಂಡೇಶನ್ ನಿಂದ ದಿನಸಿ ಕಿಟ್​ಗಳನ್ನು ಚಲನಚಿತ್ರ ವಾಣಿಜ್ಯ ಮಂಡಳಿ ಕಲ್ಯಾಣ ನಿಧಿ ಅಧ್ಯಕ್ಷ ಸಾ.ರಾ. ಗೋವಿಂದ್ ಪಡೆದರು. ಇನ್ನು ಚಿತ್ರರಂಗದಲ್ಲಿ ಒಟ್ಟು 18 ವಿಭಾಗಗಳಿದ್ದು, ಎಲ್ಲಾ ವಿಭಾಗದ ಅಧ್ಯಕ್ಷರಿಗೆ ಸಾ.ರಾ. ಗೋವಿಂದ್​ ಅವರು ಈ ದಿನಸಿ ಕಿಟ್ ಗಳನ್ನು ಹಸ್ತಾಂತರಿಸಿದರು.