ಬೆಂಗಳೂರು:ಬೆಂಗಳೂರಿನಲ್ಲಿ ರೆಸ್ಟೋರೆಂಟ್ಗಳಿಗೇನು ಕಡಿಮೆ ಇಲ್ಲ. ಹೊಸ ಮತ್ತು ವಿನೂತನ ಶೈಲಿಯ ರೆಸ್ಟೋರೆಂಟ್ಗಳು ನಾಯಿಕೊಡೆಗಳಂತೆ ತಲೆ ಎತ್ತುತ್ತಿವೆ. ಆದ್ರೆ ಇದೀಗ ಹೆಚ್ಚು ಸೌಂಡ್ ಮಾಡ್ತಿರೋದು ಈ ವಾಟರ್ ಫಾಲ್ಸ್ ರೆಸ್ಟೋರೆಂಟ್.
ಹರಿಯುತ್ತಿರುವ ನೀರಿನ ಮಧ್ಯೆ ಕುಳಿತು ಭೋಜನ ಸವಿಯುವ ಅವಕಾಶವನ್ನು ನೀಡುವ ನೂತನ ಹಾಗೂ ದೇಶದಲ್ಲೇ ಮೊದಲ ಸ್ಟ್ರೀಂ ರೆಸ್ಟೊರೆಂಟ್‌-ಸ್ಟೋನಿ ಬ್ರೂಕ್ ಇಂದಿನಿಂದ ಗ್ರಾಹಕರಿಗಾಗಿ ಪ್ರಾರಂಭವಾಗಿದೆ.
ವಾಟರ್ ಫಾಲ್‌ ರೆಸ್ಟೋರೆಂಟ್ ಕಣ್ಣು ತಂಪೆನಿಸುವ, ಕಿವಿಗೆ ಇಂಪೆನಿಸುವ ಝುಳು ಝುಳು ನೀರಿನ ಶಬ್ದ ಕೇಳುತ್ತಾ ಹರಿಯುತ್ತಿರುವ ನೀರಿನಲ್ಲಿ ಪಾದಗಳನ್ನು ಆಡಿಸುತ್ತಾ ಭೋಜನ ಸವಿಯುವ ಅವಕಾಶ ಬಹಳಷ್ಟು ಜನರಿಗೆ ಸುಲಭವಾಗಿ ಸಿಗುವುದಿಲ್ಲ. ಬೆಂಗಳೂರಿನಲ್ಲಿ ಆ ರೆಸ್ಟೋರೆಂಟ್ ಒಳಗೆ ಒಕ್ಕರೆ ಅಂತಹ ಸುಂದರ ಅನುಭೂತಿಯನ್ನ ಪಡೆಯುವ ಅಪರೂಪದ ಅವಕಾಶವನ್ನು ವಿರೌಡ್ ವೆಂಚರ್ಸ್ನ ಮಾಲೀಕ ವಿನಯ್‌ ಕಲ್ಪಿಸಿಕೊಟ್ಟಿದ್ದಾರೆ.
ವಾಟರ್ ಫಾಲ್‌ ರೆಸ್ಟೋರೆಂಟ್ ಸ್ಟ್ರೀಂ ರೆಸ್ಟೋರೆಂಟ್ನ ವಿಶೇಷತೆಗಳೇನು ಗೊತ್ತಾ?:
ಬರೋಬ್ಬರಿ 10 ಸಾವಿ ಲೀಟರ್‌ ಪುನರ್ಬಳಕೆ ನೀರನ್ನು ಬಳಸಿ ಈ ರೆಸ್ಟೋರೆಂಟ್ನಲ್ಲಿ ನೀರು ಹರಿಯುವ ಪ್ರದೇಶವನ್ನು ನಿರ್ಮಿಸಲಾಗಿದೆ. ಹೋಟೆಲ್‌ ಸುತ್ತಲೂ ಹಚ್ಚ ಹಸಿರಿನಿಂದ ಕಂಗೊಳಿಸುತ್ತಿರುತ್ತದೆ. ಒಂದು ಬಾರಿಗೆ 250 ಮಂದಿ ಹರಿಯುವ ನೀರಿನಲ್ಲಿ ಕುಳಿತು ಭೋಜನ ಸವಿಯುವ ವ್ಯವಸ್ಥೆ ಇಲ್ಲಿದೆ.
ವಾಟರ್ ಫಾಲ್‌ ರೆಸ್ಟೋರೆಂಟ್ ಫಿಲಿಫೈನ್ಸ್‌ ದೇಶದ ವಾಟರ್ ಫಾಲ್‌ ರೆಸ್ಟೋರೆಂಟ್ನಿಂದ ಪ್ರಭಾವಿತಗೊಂಡು ರಾಜಧಾನಿಯ ಜನರಿಗೆ ಹೊಸತಾದ ಅನುಭವ ನೀಡುವ ಉದ್ದೇಶದಿಂದ ಈ ಹರಿಯುವ ನೀರಿನ ರೆಸ್ಟೋರೆಂಟನ್ನು ಪ್ರಾರಂಭಿಸಿದ್ದಾರೆ.
ಈ ರೆಸ್ಟೋರೆಂಟ್ನ ಮತ್ತೊಂದು ವಿಶೇಷ ಅಂದರೆ ಫಿಶ್ ಪೆಡಿಕ್ಯೂರ್. ಗ್ರಾಹಕರು ತಮ್ಮ ಪಾದರಕ್ಷೆಗಳನ್ನು ಬಿಟ್ಟು ಮೊದಲು ಫಿಶ್ ಪೆಡಿಕ್ಯೂರ್ನಲ್ಲಿ ಕಾಲಿಟ್ಟು ಕಾಲ ಕಳೆಯಬಹುದು. ಕೇವಲ ಹರಿಯುವ ನೀರು ಅಷ್ಟೇ ಅಲ್ಲದೇ 5 ರೀತಿಯ ಸೀಟಿಂಗ್‌ ಏರಿಯಾವನ್ನು ಸ್ಟೋನೀ ಬ್ರೂಕ್ನಲ್ಲಿ ನಿರ್ಮಿಸಲಾಗಿದೆ. ಸ್ಟ್ರೀಂ ವಾಟ್‌, ಅಂಡರ್ಗ್ರೌಂಡ್‌, ಅರ್ಥ, ರೂಫ್‌ ಟಾಪ್‌ ಹಾಗೂ ಕಾರುಗಳಲ್ಲಿ ಸೀಟಿಂಗ್‌ ವ್ಯವಸ್ಥೆ ಮಾಡಲಾಗಿದೆ. ಬಳಸಿದ ಕಾರು ಹಾಗೂ ಇನ್ನಿತರೆ ವಾಹನಗಳಲ್ಲಿ ಡೈನಿಂಗ್‌ ಏರಿಯಾವನ್ನು ರಚಿಸಲಾಗಿದೆ. ಹಾಗೂ ಪರಿಸರ ಸ್ನೇಹಿ ಬಿದರಿನ ಮಗ್ಗುಗಳು ಪೇಪರ್ ಸ್ಟ್ರಾಗಳು ಇರುವುದು ವಿಶೇಷ.
ವಾಟರ್ ಫಾಲ್‌ ರೆಸ್ಟೋರೆಂಟ್ ಸ್ಟೋನಿ ಬ್ರೂಕ್ನಲ್ಲಿ ಚೈನೀಸ್‌, ಥಾಯಿ, ಜಪಾನೀಸ್‌, ಇಂಡೋನೇಷಿಯನ್‌ ಹಾಗೂ ಇಟಲಿಯ ಪ್ರಮುಖ ಖಾದ್ಯಗಳು ದೊರೆಯಲಿವೆ. ಇದರ ಜೊತೆಗೆ ಭಾರತದ ಎಲ್ಲಾ ತರಹೇವಾರಿ ಖಾದ್ಯಗಳನ್ನು ಇಲ್ಲಿ ಸವಿಯಬಹುದಾಗಿದೆ. ಇಲ್ಲಿ ಕಾಪರ್‌-ವುಡ್‌ ಫೈರ್ ಪಿಜ್ಜಾ ಸಿಗಲಿದೆ. ತಾಮ್ರದ ಕೋಟಿಂಗ್‌ನ ದೊಡ್ಡ ಒವನ್ ನಿರ್ಮಿಸಲಾಗಿದ್ದು, ಈ ಓವನ್ ಅನ್ನು ವುಡ್‌ ಫೈರ್ನಿಂದ ಬಿಸಿಗೊಳಿಸಲಾಗುತ್ತದೆ. ಸಕತ್‌ ಬ್ಯುಸಿಯಾಗಿರುವ ಬೆಂಗಳೂರಿಗರು ಒಂದಿಷ್ಟು ಇಲ್ಲಿಗೆ ಭೇಟಿಕೊಟ್ಟು ವಿಶೇಷ ಅನುಭವ ಪಡೆಯಬಹುದು.
