ಐಟಿ ದಾಳಿ: ಅಧಿಕಾರಿಗಳು ತಮ್ಮ ಕೆಲಸ ಮಾಡಿದ್ದಾರೆ- ಗೃಹ ಸಚಿವ ಆರಗ ಜ್ಞಾನೇಂದ್ರ

ಐಟಿ ದಾಳಿ ಬಗ್ಗೆ ಸ್ವಾಗತ, ತಿರಸ್ಕಾರ ಏನೂ ಇಲ್ಲ. ಅಧಿಕಾರಿಗಳು ತಮ್ಮ ಕೆಲಸ ಮಾಡಿದ್ದಾರೆ ಎಂದು ಗೃಹ ಸಚಿವ ಆರಗ ಜ್ಞಾನೇಂದ್ರ ಹೇಳಿದರು.

ಬೆಂಗಳೂರು:ಐಟಿ ದಾಳಿ ವಿಚಾರವನ್ನು ನಾನು ಮಾಧ್ಯಮದಲ್ಲಿ ನೋಡಿದೆ. ಕಾನೂನು ಕ್ರಮ ಏನು ಆಗಬೇಕೋ ಅದು ಆಗುತ್ತದೆ ಎಂದು ಆರಗ ಜ್ಞಾನೇಂದ್ರ ಹೇಳಿದ್ದಾರೆ.

ವಿಕಾಸಸೌಧದಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಅವರು, 'ಐಟಿ ದಾಳಿ ಎಲ್ಲರ ಮೇಲೂ ಆಗುತ್ತದೆ. ನಾನು ಪ್ರತಿಕ್ರಿಯೆ ಕೊಟ್ಟು ಮಾಡೋದೇನು?. ಈ ಬಗ್ಗೆ ಸ್ವಾಗತ, ತಿರಸ್ಕಾರ ಏನೂ ಇಲ್ಲ. ಇದು ಅಧಿಕಾರಿಗಳಿಗೆ ಸಂಬಂಧಪಟ್ಟದ್ದು, ತಮ್ಮ ಕೆಲಸ ಮಾಡಿದ್ದಾರೆ' ಎಂದು ಹೇಳಿದರು.

'ಆರ್​​ಎಸ್​​ಎಸ್ ಬಗ್ಗೆ ಹೆಚ್​​ಡಿಕೆ ಅವರಿಗೆ ಏನೂ ಗೊತ್ತಿಲ್ಲ'

ಆರ್​​ಎಸ್​​ಎಸ್ ವಿರುದ್ಧ ಹೆಚ್​​.ಡಿ ಕುಮಾರಸ್ವಾಮಿ ವಾಗ್ದಾಳಿ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಗೃಹ ಸಚಿವರು, 'ಆರ್​​ಎಸ್​​ಎಸ್ ಬಗ್ಗೆ ಲವಶೇಷವೂ ಕುಮಾರಸ್ವಾಮಿ ಅವರಿಗೆ ಗೊತ್ತಿಲ್ಲ. ಕುಮಾರಸ್ವಾಮಿ ಮಾತನಾಡಿದರೆ ಆರ್​​ಎಸ್​​ಎಸ್‌ಗೆ ಏನೂ ಆಗಲ್ಲ. ಅವರು ರಾಜಕಾರಣಕ್ಕೆಂದು ಮಾತನಾಡುವುದು ಬೇಡ. ಆರ್​​ಎಸ್​​ಎಸ್ ಬಗ್ಗೆ ಎಲ್ಲರಿಗೂ‌ ಗೊತ್ತಿದೆ' ಎಂದು ತಿರುಗೇಟು ನೀಡಿದರು.

ಪೆಟ್ರೋಲ್, ಡೀಸೆಲ್ ದರ ಹೆಚ್ಚಳದ ಬಗ್ಗೆ ಆರ್​​ಎಸ್​​ಎಸ್ ಖಂಡನೆ ಮಾಡದ ಕುರಿತು ಕೇಳಿದ ಪ್ರಶ್ನೆಗೆ, 'ಆರ್​​ಎಸ್​​ಎಸ್ ಕೆಲಸವೇ ಬೇರೆ. ಅನಗತ್ಯವಾಗಿ ಸಂಘಟನೆಯನ್ನು ಎಳೆದು ತರುವುದು ಸರಿಯಲ್ಲ' ಎಂದರು.

ಇದನ್ನೂ ಓದಿ:ಐಟಿ ದಾಳಿ ಬಗ್ಗೆ ನನಗೆ ಯಾವುದೇ ಮಾಹಿತಿಯಿಲ್ಲ: ಸಿಎಂ ಬೊಮ್ಮಾಯಿ