ಘಾಟಿ ಸುಬ್ರಮಣ್ಯ ಕ್ಷೇತ್ರದಲ್ಲಿ ಸಂಗ್ರಹವಾಯ್ತು 60,08,007 ರೂ. ಭಕ್ತರ ಹುಂಡಿ ಹಣ

ಶ್ರಾವಣ ಮಾಸದಲ್ಲಿ ಘಾಟಿ ಸುಬ್ರಮಣ್ಯ ಕ್ಷೇತ್ರಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಬಂದ ಹಿನ್ನೆಲೆ, ಒಟ್ಟು 60,08,007 ರೂಪಾಯಿ ಭಕ್ತರ ಹುಂಡಿ ಹಣ ಸಂಗ್ರಹವಾಗಿದೆ. ಇದರೊಂದಿಗೆ 95,150 ರೂಪಾಯಿ ಮೌಲ್ಯದ 2 ಕೆಜಿ 600 ಗ್ರಾಂ ಬೆಳ್ಳಿ ಮತ್ತು 18,500 ಮೌಲ್ಯದ 5 ಗ್ರಾಂ 05 ಮಿಲಿ ಚಿನ್ನ ಸಂಗ್ರಹವಾಗಿದೆ.

ದೊಡ್ಡಬಳ್ಳಾಪುರ: ಶ್ರಾವಣ ಮಾಸದಲ್ಲಿ ಘಾಟಿ ಸುಬ್ರಮಣ್ಯ ಕ್ಷೇತ್ರಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಬಂದ ಹಿನ್ನೆಲೆ, ಕಳೆದ ತಿಂಗಳಿಗಿಂತ ಈ ಬಾರಿ ಭಕ್ತರ ಹುಂಡಿ ಹಣ ದುಪ್ಪಟ್ಟು ಪ್ರಮಾಣದಲ್ಲಿ ಸಂಗ್ರಹವಾಗಿದೆ. ಒಟ್ಟು 60,08,007 ರೂಪಾಯಿ ನಗದು ಸಂಗ್ರಹಣೆ ಆಗಿದೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಪ್ರಮುಖ ಧಾರ್ಮಿಕ ಕ್ಷೇತ್ರವಾದ ಘಾಟಿ ಸುಬ್ರಮಣ್ಯ ಕ್ಷೇತ್ರದಲ್ಲಿ ನಿನ್ನೆ ಭಕ್ತರ ಕಾಣಿಕೆ ಹುಂಡಿ ಎಣಿಕೆ ಕಾರ್ಯ ನಡೆಸಲಾಯ್ತು. ಮುಜರಾಯಿ ತಹಶೀಲ್ದಾರ್ ಜಿ.ಜೆ. ಹೇಮಾವತಿ, ದೇವಾಲಯದ ಕಾರ್ಯ ನಿರ್ವಾಹಕ ಅಧಿಕಾರಿ ಎನ್. ಕೃಷ್ಣಪ್ಪ ಅವರ ಸಮ್ಮುಖದಲ್ಲಿ ಹುಂಡಿ ಹಣ ಎಣಿಕೆ ಕಾರ್ಯ ಮಾಡಲಾಗಿದೆ.

ಇದನ್ನೂ ಓದಿ:ಶಿವರಾಮ್ ಕಾರಂತ್ ಬಡಾವಣೆ ಭೂ ಸ್ವಾಧೀನ ವಿಚಾರ ಉತ್ತರ ಸಿಗದಿದ್ದರೆ ಪ್ರತಿಭಟನೆ: ಎಂ.ನಾರಾಯಣಸ್ವಾಮಿ ಎಚ್ಚರಿಕೆ

ಈ ಬಾರಿ ಒಟ್ಟು 60,08,007 ರೂಪಾಯಿ ನಗದು ಸಂಗ್ರಹವಾಗಿದೆ. ಕಳೆದ ತಿಂಗಳು 32,26,000 ರೂ. ಹುಂಡಿ ಹಣ ಸಂಗ್ರಹವಾಗಿತ್ತು. 60,08,007 ರೂಪಾಯಿ ನಗದು ಹಣದೊಂದಿಗೆ 95,150 ರೂಪಾಯಿ ಮೌಲ್ಯದ 2 ಕೆಜಿ 600 ಗ್ರಾಂ ಬೆಳ್ಳಿ ಮತ್ತು 18,500 ಮೌಲ್ಯದ 5 ಗ್ರಾಂ 05 ಮಿಲಿ ಚಿನ್ನ ಸಂಗ್ರಹವಾಗಿದೆ. ಎಣಿಕೆ ಕಾರ್ಯದಲ್ಲಿ ಭಕ್ತರೂ ಸಹ ಭಾಗಿಯಾಗಿದ್ದರು.