ಮಹಿಳೆಯ ಕತ್ತಿನ ಬಳಿ ಚಾಕು ಇರಿಸಿ ದರೋಡೆ: ಸಿಲಿಕಾನ್​ ಸಿಟಿಯಲ್ಲಿ ಸಿನಿಮಾ ಶೈಲಿಯ ಕಳ್ಳತನ

ಮಹಿಳೆಯ ಕತ್ತಿನ ಬಳಿ ಚಾಕು ಇರಿಸಿ ಮನೆ ದರೋಡೆ ನಡೆಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಅಪರಾದ ಪ್ರಕರಣಗಳು ನಡೆಯೋದೇನು ಹೊಸತಲ್ಲ. ಆದರೆ. ಈ ಪ್ರಕರಣ ಮಾತ್ರ ಭಿನ್ನವಾಗಿದೆ. ಸಿನಿಮಾ ಶೈಲಿಯಲ್ಲಿ ರಾಬರಿ ಮಾಡಿ ಕಳ್ಳರು ಪರಾರಿಯಾಗಿದ್ದಾರೆ.

ಸಂಪಿಗೆ ಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಕುಟುಂಬವೊಂದು ವಾಸವಿದ್ದು, ತಮ್ಮ ಮಗನಿಗೆ ಮದುವೆ ನಿಶ್ಚಯವಾದ ಸಂಭ್ರಮದಲ್ಲಿದ್ರು. ಆದ್ರೆ ಖತಾರ್ನಾಕ್ ಗ್ಯಾಂಗ್ ಆ ಮನೆಗೆ ಸ್ಕೇಚ್ ಹಾಕಿ ದೊಚಿದ್ದಾರೆ.

ಸಂಪಿಗೆ ಹಳ್ಳಿ ಬಳಿಯ ಶಿವರಾಮಕಾರಂತ ಲೇಔಟ್ ನಿವಾಸಿ ಉಮಾ ಎಂಬವರ ಮಗ ಆನಂದ್​ಗೆ ಮದುವೆ ನಿಶ್ಚಯವಾಗಿತ್ತು. ಆದರೆ ಕಳೆದ ಭಾನುವಾರ ತಡರಾತ್ರಿ ಮನೆಗೆ ಎಂಟ್ರಿ ಕೊಟ್ಟಿರೋ ಕಳ್ಳರ ಗ್ಯಾಂಗ್​ ಮನೆಯ ರೂಂನಲ್ಲಿ ಮಲಗಿದ್ದ ಉಮಾ ಹಾಗೂ ಅವರ ತಾಯಿಯ ಕತ್ತಿನ ಬಳಿ ಚಾಕು ಇರಿಸಿ,ಮನೆಯಲ್ಲಿದ್ದ ಸುಮಾರು 13 ಲಕ್ಷಕ್ಕೂ ಅಧಿಕ‌ ಮೌಲ್ಯದ ಚಿನ್ನಾಭರಣಗಳನ್ನ ದೋಚಿ ಪರಾರಿಯಾಗಿದ್ದಾರೆ.

ಸದ್ಯ ಪ್ರಕರಣ ಕೈಗೆತ್ತಿಕೊಂಡಿರುವ ಸಂಪಿಗೆಹಳ್ಳಿ ಠಾಣೆ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.